Топ
Кривична пријава против поранешна директорка на средно училиште во Скопје

Управата за финансиска полиција поднесе кривична пријава до Основното јавно обвинителство Скопје против Е.А., поранешна директорка на средното училиште „Браќа Миладиновци“ во Скопје, за која постои сомневање дека во периодот од 2016-2018 година сторила кривично дело злоупотреба на службената положба и овластувања и лицето А.С., во својство на управител на правниот субјект „Просервис инженеринг“ ДООЕЛ Скопје, поради постоење на основано сомнение за сторено кривично дело помагање и кривично дело фалсификување или уништување на деловни книги.
„Првопријавената Е.А. пречекорувајќи ги границите на своите службени овластувања, постапувајќи спротивно на член 13 и член 33 од Законот за градење, во три постапки за јавни набавки доставила фактури со невистинита содржина на правниот субјект ‘Просервис инженеринг’ ДООЕЛ Скопје, со што овозоможила второпријавеното лице А.С. да се стекне со противправна имотна корист во износ од 1.327.400,00 денари, за кој износ го оштетила буџетот на СУГС ‘Браќа Миладиновци’ Скопје“, стои во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Макрон до Нетанјаху: Обвинувањата за антисемитизам се навреда за Франција

Францускиот претседател Емануел Макрон испрати писмо до израелскиот премиер Бенјамин Нетанјаху во кое остро реагираше на неговите обвинувања дека Париз го поттикнува антисемитизмот. Писмото го објави францускиот весник „Ле Монд“.
Макрон го прекори Нетанјаху за објавување на содржината на преписката до медиумите пред францускиот лидер дури и да го прими писмото. Во својот одговор, францускиот претседател го обвини израелскиот премиер за манипулирање со терминот „антисемитизам“ и потсети на бројните мерки што Франција ги воведе за заштита на Евреите и борба против сите форми на омраза.
– Париз остана и останува длабоко посветен на безбедноста на Израел. Затоа обвинувањата за наводна неактивност во услови на оваа катастрофа се неприфатливи и претставуваат навреда за цела Франција – истакна Макрон.
Нетанјаху претходно ја осуди одлуката на Франција да ја признае Палестина, предупредувајќи дека таков потег „поттикнува тероризам и носи ризик од создавање уште една иранска марионетска држава, слична на она што се случи во Газа“.
Фото: принтскрин
Македонија
Пожар кај „Зебра“, огнот зафатил возило

Пожар избувнал ноќеска во главниот град во близина на трговскиот центар Зебра.
Според последните информации огнот се проширил и зафатил возило на улицата Васил Ѓоргов во Скопје.
На местото на настанот биле присутни противпожарни возила кои го гаселе пожарот.
Свет
Премиерот на Канада: Путин се плаши да се сретне со Зеленски

Рускиот претседател Владимир Путин се плаши да се сретне со украинскиот претседател Володимир Зеленски за да разговара за условите за завршување на војната, изјави канадскиот премиер Марк Карни на заедничката прес-конференција со германскиот канцелар Фридрих Мерц.
Како што објави Укринформ, Карни рече дека Путин постојано поставува нови услови и ги одложува работите затоа што се плаши од состанокот. Според канадскиот премиер, Зеленски е подготвен да се сретне со Путин на која било неутрална територија.
Премиерот на Канада нагласи дека Зеленски не очекува Путин да дојде во Киев или дека самиот ќе патува во Москва за таков состанок. Сепак, секоја неутрална локација би била прифатлива, додаде Карни.
Тој рече дека е клучно сојузниците на Украина да продолжат да даваат поддршка додека не се одржи таков состанок.
Фото: принтскрин