Црна хроника
На улица во Скопје му украл близу 850.000 денари

Во понеделникот, под закана со нож и со неколку уради, на 27-годишен скопјанец му била одземена вреќа со пари.
Како што соопшти полицијата, околу 15.15 часот Скопје на бул. „Јане Сандански“ на паркинг од страна на непознато лице било извршено разбојништво над А.Р. (27) од Скопје, при што му биле одземени 843.000 денари. Имено, откако пријавителот се паркирал на паркингот и излегол од возилото држејќи во рака кеса во која имало пари, сторителот два пати со тупаница го удрил во пределот на главата и лицето, а во другата рака држел нож, од што пријавителот се исплашил за неговиот живот и без да дава отпор му ја дал кесата со парите по што сторителот го напуштил местото на настанот, а оштетениот почнал да трча по него, но не успеал да го стигне.
Се преземаат мерки за пронаоѓање на сторителот како и целосно расчистување на случајот.
Ноќта пак, околу 2.50 часот во село Муртино-струмичко поточно на бензинска пумпа на Макпетрол, две непознати маскирани лица извршиле разбојништво над еден вработен при што физички го нападнале и му одзеле сума на пари од околу 60.000 денари, по што го напуштиле местото на настанот.
СВР Струмица презема мерки за пронаоѓање на сторителите како и целосно расчистување на случајот./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
17-годишник со „бмв“ излетал од патот во Велешко: повредени тројца малолетници

На 16.07.2025 околу 21.40 часот во СВР Велес е пријавено дека на ул.„Раштански пат“ во правец од с.Бузалково кон с.Раштани, велешко, патничко возило „бмв“ со велешки регистарски ознаки, управувано од 16-годишник од с.Бузалково, излетало надвор од коловозот.
Во несреќата со тешки телесни повреди се здобил неговиот 17-годишен сопатник од с.Бузалково, а со телесни повреди се здобиле малолетниот возач и уште еден 16-годишен сопатник од с.Бузалково, констатирани во Општата болница Велес. Извршен бил увид од увидна екипа од СВР Велес.
Топ
Возел со 3,15 промили алкохол во крвта, во полусвесна состојба: уапсен пијан скопјанец на патот Охрид-Кичево

Денеска (18.07.2025) околу 14 часот на патот Охрид-Кичево полициски службеници од ОВР Кичево го лишија од слобода Б.К.(48) од Скопје, затоа што управувал патничко моторно возило “тојота” со скопски регистарски ознаки, под дејство на алкохол.
Имено, по претходно добиена пријава на телефонскиот број 112 дека едно возило се движи неконтролирано по патот, преземени се соодветни мерки од страна на полициските службеници и возилото е запрено, а со тоа спречена е евентуална сообраќајна незгода која би можела да има тешки последици.
Притоа, било утврдено дека возачот е во полусвесна состојба и веднаш со возило на Итна медицинска помош бил пренесен во Медицинскиот центар во Кичево.
Откако му била пружена лекарска помош и неговата здравствена состојба значително била подобрена, извршено е алкотестирање, при што било утврдено дека имал 3,15 промили алкохол во крвта, при што лицето било лишено од слобода.
По целосно документирање на случајот, против Б.К. ќе биде поднесена кривична пријава по член 297-а од Кривичниот законик “безобѕирно управување со моторно возило”, соопшти полицијата.
Црна хроника
Прегазен малолетник во Гостивар: го удрило „бмв“од Швајцарија

Ноќеска во 21.34 часот во Полициската станица Гостивар е пријавено дека на ул.„Браќа Ѓиноски“ во Гостивар, патничко возило „бмв“ со швајцарски национални ознаки, управувано од Џ.И.(33) од с.Форино, гостиварско, со престој во Швајцарија, удрило во малолетен пешак од Гостивар.
Во несреќата со тешки телесни повреди се здобил малолетникот, констатирани во Општата болница Гостивар.
Извршен бил увид од увидна екипа од ОВР Гостивар.