Три лица веќе загинаа на Јамајка, додека островот се подготвува за најсилната бура во светот оваа година, а можеби и најсилната досега регистрирана на островот. Американските метеоролози предупредуваат на „катастрофални и опасни по живот“ услови.

Со ветрови до 282 км/ч, ураганот Мелиса е бура од категорија 5 (највисоката можна). Се засилува дополнително и се очекува да го погоди карипскиот остров денес.

Најновите податоци од Националниот центар за урагани на САД (NHC) покажуваат дека, врз основа на максималната брзина на ветерот и нискиот централен притисок, Мелиса е најсилната бура во светот досега оваа година.

Incredible footage from inside the eye of Category 5 Hurricane Melissa. Filmed during a reconnaissance flight by the US Air Force’s 53rd Weather Reconnaissance Squadron, the video reveals the sharply defined eyewall and the deceptive calm at the storm’s center; conditions that… pic.twitter.com/WCevRvU8wG

— AviatorsMaldives (@AviatorsMaldive) October 28, 2025

Со својата моментална сила, тоа би бил најсилниот ураган што ја погодил Јамајка откако започнале официјалните мерења во 1851 година, објави Си-би-ес.

Тројца мртви на Јамајка
Иако ураганот сè уште не стигнал до копното, три лица веќе загинаа, а 13 се повредени, изјави јамајканскиот министер за здравство Кристофер Тафтон.

Луѓето загинаа додека сечеле дрвја, додека другите беа повредени главно при паѓање од скали и покриви.

Тафтон ги повика жителите на Јамајка да бидат внимателни додека се подготвуваат. Тој исто така рече дека треба да се осигурат дека имаат доволно залихи од вода за пиење и нерасиплива храна.

Владата, исто така, соопшти дека околу 50.000 луѓе останале без електрична енергија додека се приближувал ураганот, претежно во западниот дел од земјата.

Премиерот на Јамајка: Се молам
„На колена се молам“, изјави за медиумите јамајканскиот премиер Ендру Холнес, додавајќи дека бил во контакт со светските лидери. „Се чини дека целиот свет се моли за Јамајка“, рече тој.

Во остро предупредување до жителите, Холнес рече дека „во регионот нема инфраструктура што може да издржи ураган од категорија 5“.

фото: принтскрин

Украина ја нападна Москва со беспилотни летала втора ноќ по ред, соопштија денес руското Министерство за одбрана и градоначалникот на Москва, Сергеј Собјанин.

Руското Министерство за одбрана во соопштението извести дека нејзината воздушна одбрана уништила 17 украински беспилотни летала во текот на ноќта, вклучувајќи едно што летало кон Москва и 13 над регионот Калуга, кој се граничи со Московската област на североисток.

Градоначалникот на Москва изјави на Телеграм дека службите за итни случаи се испратени на местото на соборувањето на беспилотното летало што летало кон Москва.

Moscow is getting absolutely hammered by Ukrainian UAV’s and Jet Drones tonight.

Ukraine are bringing the Russians to their knees with its main target, their ability to produce or refine oil, to make money or to power its city.

Expect blackouts in Moscow regions over Winter. pic.twitter.com/bL2yErezqV

— Bricktop_NAFO (@Bricktop_NAFO) October 28, 2025

Нема извештаи за штети, но Русија ретко открива целосен обем на ефектите од украинските напади на нејзина територија, освен ако не се погодени цивили или цивилни објекти.

Руските единици за воздушна одбрана ги уништија преостанатите три беспилотни летала над регионот Брјанск, кој се граничи со Украина на запад, и Калуга на североисток.

Александар Богомаз, гувернерот на регионот Брјанск, објави на Телеграм дека еден цивил е хоспитализиран како резултат на нападот.

Kremlin Moscow.

They said Kyiv in 3 days. pic.twitter.com/0bBux8Tr57

— WarMonitor🇺🇦🇬🇧 (@WarMonitor3) October 26, 2025

Двете страни негираат дека таргетирале цивили, но илјадници загинаа во војната, од кои огромното мнозинство се Украинци.

Русија вчера објави дека соборила 34 украински беспилотни летала што ја таргетирале Москва.

фото: принтскрин

Две лица загинаа, а едно беше повредено денес во експлозија во од неодамна повторно отворен рудник во австралиската држава Нов Јужен Велс.

Премиерот на Нов Јужен Велс го нарече инцидентот „отрезнувачки потсетник“ за опасностите од индустријата.

Службите за итни случаи беа повикани во рударскиот град Кобар, околу 700 километри северозападно од Сиднеј, по пријавите за несреќа на работното место во која луѓе беа сериозно повредени, соопшти полицијата.

A man in his 60s and a woman in her 20s have been killed in an underground mine explosion in remote New South Wales.

It happened 700 kilometres west of Sydney at the Endeavour Mine, just outside Cobar. pic.twitter.com/V9tQssgSyp

— 10 News Sydney (@10NewsSyd) October 28, 2025

Полицијата извести дека загинатите веројатно се жена на околу 20 години и маж на околу 60 години, додека друга жена на околу 20 години е однесена со хеликоптер во болница поради полесни повреди и шок. Жртвите сè уште не се официјално идентификувани.

Австралиските медиуми објавија дека несреќата се случила во рудникот за сребро, цинк и олово „Ендевор“, во сопственост на „Полиметалс Рисорсис Лтд.“

Извршниот директор на „Полиметалс“, Дејв Спраул, изјави дека е „шокиран и тажен поради овој трагичен настан“.

„Активиран е тим за итна интервенција и соработуваме со сите надлежни органи. Рударските операции се привремено прекинати“, рече Спраул во соопштение за медиумите.

фото: принтскрин