Црна хроника
Скопјанка му платила 500 евра на Турчин за работа во Германија, а тој исчезнал

Државјанин на Турција измамил скопјанка дека ќе ѝ среди да работи во Германија. Таа му платила 500 евра, а тој исчезнал.
СВР Скопје поднесе кривична пријава против Е. В. (40) од Р. Турција со дозвола за престој во Германија поради постоење основи на сомнение за сторено кривично дело измама.
Во текот на јули 2019 тој објавил оглас на интернет-страница, во кој било наведено дека посредува за престој и работа во Р. Германиј, по што оштетената С. Ќ. се заинтересирала и почнала да комуницира со пријавениот преку апликацијата „Вацап“.
Убедена во точноста на информациите и понудата од страна на пријавениот, оштетената на 22.7.2019 уплатила 500 евра на име на пријавениот преку брз трансфер на парични средства, но, по уплатата, не можела да дојде во контакт со пријавениот, кој стекнал противправна имотна корист од 500 евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Притвор за српски државјанин кој кај Гевгелија возел со лажни италијански таблички

Основното јавно обвинителство Гевгелија поведе постапка против државјанин на Република Србија осомничен за фалсификување исправа.
Осомничениот на 24 јули, на регионалниот пат Гевгелија – Богданци управувал автомобил Фолксваген поло со лажни италијански регистарски таблички.
Полициски службеници во близина на раскрсницата Ѓавато му дале светлосен знак да застане за да извршат редовна контрола. Но осомничениот не запрел туку го забрзал возилото, а полицајците го следеле. Кај местото викано „Карпи“ го оставил автомобилот и побегнал, но по кратко време бил пронајден. Полицијата констатирала дека осомничениот не поседува сообраќајна дозвола или каква било друга документација за да се утврди потеклото на возилото, додека регистарските таблици припаѓаат на друго возило.
По предлог на јавниот обвинител, судија на претходна постапка од Основниот суд во Гевгелија определи мерка притвор во траење од осум дена за осомничениот.
Црна хроника
Се судрија мотоцикл и трактор во Штипско: тешко повреден 15-годишник

Вчера околу 09.20 часот во СВР Штип било пријавено дека во с.Радање, општина Карбинци, се случила сообраќајна несреќа помеѓу мотоцикл без регистарски ознаки, управуван од 15-годишник од с.Радање и трактор „ИМТ 533“ без регистарски ознаки, управуван од С.И. (45) од с.Голем Габер, општина Карбинци.
Во несреќата со тешки телесни повреди се здобил мотоциклистот, констатирани во Клиничка болница Штип.
Извршен бил увид од увидна екипа од СВР Штип.
Црна хроника
Сообраќајна несреќа на патот Куманово – Крива Паланка, сообраќајот во прекин

АМСМ информира за прекин на сообраќајот на патот Куманово – Крива Паланка поради сообраќајна несреќа.
Поради сообраќајна незгода, сообраќајот на магистралниот пат Куманово – Крива Паланка, кај ресторан „Фемили“ од 13:00 часот е во прекин, соопштија надлежните.