Црна хроника
Тетовец нападнат од непознати лица, повреден е во главата и ногата

Тетовец бил нападнат од непознати лица, кои му нанеле удар во главата со тап предмет и рана во ногата од остар предмет.
Во полицијата во Тетово дежурен лекар во хируршкото одделение при Клиничка болница Тетово пријавил дека кај нив дошло лице кое побарало помош поради здобиени повреди од ладно оружје.
Кога полициските службеници пристигнале во болницата лицето веќе било заминато. Од извршениот разговор со лекарот било констатирано дека се работи за Ж.М. (28) од Тетово, кој имал повреди во пределот на главата, која што му била нанесена од тврд метален предмет и повреда во пределот на десното стапало нанесена од остар предмет.
Полициски службеници извршиле телефонски разговор со Ж.М., кој изјавил дека во 18.40 часот на ул. „121“, без повод и причина физички бил нападнат од страна на неколку непознати лица.
Се преземаат мерки за целосно расчистување на случајот./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Пожар во стан во Делчево, 16-годишно девојче побарало медицинска помош

Синоќа во 00.19 часот во ОВР Делчево е пријавено дека во Делчево настанал пожар во стан, сопственост на Ф.Д., во кој во моментот немало никој.
Од Територијалната противпожарна единица Делчево, пожарот е изгаснат.
Подоцна, во 02.00 часот во Итната медицинска помош Делчево, 16-годишна малолетничка, која живее во истата зграда, побарала помош поради отежнато дишење. Извршен е увид.
Црна хроника
Тепачка на „Партизанска“ – малолетник избоден со остар предмет

Малолетник бил избоден со остар предмет на „Партизанска“ во Скопје.
Според информациите на МВР, СВР Скопје поднесе кривична пријава против 16-годишник од Скопје поради постоење основи на сомнение за сторено кривично дело „тешка телесна повреда“.
На 02.06.2025 на бул. „Партизански oдреди“ во Скопје, пријавениот, по претходна расправија, со остар предмет му нанел убодни рани на 17-годишник.
Црна хроника
Кривична за охриѓанец: при претрес пронајдено оружје во неговата куќа

СВР-Охрид поднесе кривична пријава против А.Д.(27) од Охрид, поради постоење основи на сомнение за сторено кривично дело „Неовластено изработување, држење, посредување и тргување со оружје и експлозивни материи“.
При претрес извршен по судска наредба во неговата куќа во охридското село Сирула, полициските службеници пронајдоа и одзедоа 2 ловни и 1 пневматска пушка кои, пријавениот ги поседувал без соодветна дозвола.
При тоа, одземено е и оружје за кое пријавениот поседувал соодветна дозвола.