Црна хроника
Тројца нападнале Кумановец, го однесле во блиската шума и го тепале

Кумановец на возраст од 27 години, пријавил дека три лица го нападнале, го однеле во шума и го тепале.
Како што соопшти полицијата, во саботата, во 17 часот во полициска станица во Куманово, М.Б. (27) од Куманово пријавил дека истиот ден три лица извршиле насилство врз него.
Околу 12.30 тој отишол кај негов другар и откако си заминал, во близина на Ургентниот центар бил пресретнат од пријавените, кои насилно го внесле во такси возило и го однесле во село Проевце. Потоа го однесле во блиската шума, каде физички го нападнале, по што побегнале.
М.Б. настанот го пријавил телефонски во полиција, а потоа со возило на Итна медицинска помош бил пренесен во Клиничка болница Куманово, каде што му била укажана медицинска помош.
СВР Куманово презема мерки за целосно расчистување на настанот./крај/со/бб
Copyright 2017 makfax. Сите права се задржани. Текстов не смее да се печати или емитува, во целина или во делови, без договор со makfax. Во спротивно makfax го задржува правото да го фактурира преземениот текст согласно својот ценовник и правила.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Млад кавадарчанец турнал пензионерка за да и’ ја украде чантата со 50 евра и „моторола“, тешко е повредена

Деветнаесетгодишник од Кавадарци е приведен оти турнал жена и тешко ја повредил за да ја ограби.
Нападот, според информацијата на полицијата, се случил синоќа околу 21 часот на улицата Благој Крстиќ.
Оштетената е 75-годишната В.А. од Кавадарци. Таа на сила била турната во влезот од зградата, и и’ била грабната чантата во која носела 3.000 денари и мобилен телефон „моторола“. При падот се здобила со тешки повреди и била пренесена во кавадаречката болница.
Во близина на местото на грабежот била пронајдена ташната, а при прегледот кај осомничениот биле пронајдени дел од парите и мобилниот телефон, како и дрога.
Деветнаесетгодишникот е задржан во станица, а извесен е јавен обвинител за целиот случај.
Црна хроника
Приведен возач во Штип, управувал возило со 2,10 промили алкохол во крвта

Вчера на улицата Брегалничка во Штип, полицијата го приведе Т.Н.(44) од селото Уларци, oпштина Чешиново-Облешево.
При контрола во патниот сообраќај, полициските службеници сопреле патничко возило „опел“ со скопски регистарски ознаки, кое го управувал T.Н., и по преземени мерки било констатирано дека е под дејство на алкохол, односно дека има 2,10 промили алкохол во крвта, по што веднаш бил исклучен од сообраќај и задржан во полициска станица.
По целосно документирање на настанот, против него ќе биде поднесена пријава за безобѕирно управување со моторно возило.
Топ
Возач загина на експресниот пат Прилеп-Градско – удрил во ограда, па уште еден камион излетал од патот

Тешка несреќа по која животот го загуби 42-годишен маж од Крива Паланка се случи синоќа околу 22.30 часот на експресниот пат Прилеп-Градско, пред приклучокот за автопатот Неготино-Велес.
Од МВР информираа дека животот го загубил А.Ѓ. кој управувајќи товарно возило „рено мастер“ излетал од коловозот и удрил во заштитна ограда. Тој првично бил пренесен во велешкта болница со тешки повреди, каде околу четири часа подоцна починал.
На погрешно место и во погрешно време се нашол и М.В.(44) од селото Трубарево, скопско, кој управувал товарно возило „ман“. Во обид да го избегне „реното“, излетал од коловозот и удрил во метална ограда. Во моментот нема информација дали вториот возач се здобил со повреди.
По наредба на Јавен обвинител телото на починатиот е предадено во Судската медицина на обдукција. Извршен бил увид.