Топ
Убиено 23-годишно момче во струшкото село Поум
Дваесет и тригодишно момче е убиено, а татко му е тешко повреден кога во нив пукал 22-годишен сожител на струшкото село Поум, соопшти МВР. До инцидентот дошло поради нерасчистени односи од порано.
Според информациите, таткото и синот со автомобил му го попречиле патот на У.В. и тргнале кон него со секири за да се пресметаат по што тој испукал неколку куршуми во нив и ги погодил, па заминал од местото и се пријавил во Полициската станица Струга.
Од случајни минувачи повредените биле пренесени во Медицинскиот центар Струга, каде што кај З.Б. била констатирана смрт, а В.Б. бил задржан на лекување.
По наредба на јавен обвинител, телото на починатиот е дадено за обдукција. Се преземат мерки за расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Шеесетмина се затруле на Воената академија, Мисајловски, место храна, сега им исплаќа пари
Вкупно 60 луѓе се затруле од храната на Воената академија минатиот месец, извести денес министерот за одбрана, Владо Мисајловски, во отчетот за сработеното во првите 100 дена од новата Влада. Договорот со компанијата што ја обезбедува храната е еднострано раскинат, а вработените добиваат пари место оброк. Министерот Мисајловски вели дека течат законските рокови по раскинувањето на договорот со досегашната компанија, а дали ќе бараат нова или ќе исплаќаат пари место храна, ќе одлучат вработените.
„Се случија овие немили настани, за жал, беа 60 луѓе, ова не би требало да се случува. Јас знам дека во секој договор може да има пропуст, но многу записници стигнаа во кои е потврдена целата постапка дека треба да се раскине договорот. Здравствените власти најдоа бактерии на работните површини. Компанијата при првото предупредување не ги отстранила недостатоците и во овој момент мораше да се раскине договорот. Во согласност со колективниот договор што е донесен, на секој припадник во Армијата и во Министерството му следува надомест за хранарина. Бидејќи договорот е раскинат, секому ќе му бидат исплатени средства. Во делот во Армијата, каде што мораат да имаат оброци, тоа веќе го регулиравме и ќе се готви во Армијата бидејќи така било и пред неколку месеци. Ги имаме продуктите, се разбира, ако нешто недостига, дополнително ќе набавиме“, рече министерот Мисајловски.
Во овој момент Министерство има на располагање две постапки за снабдување со храна. Мисајловски најавува дека вработените ќе изберат која ќе се примени.
„Да се исплаќа целосно хранарина, како што е по колективниот договор, како што многу вработени посакуваат, или да се распише нова постапка за нова компанија што ќе дава оброк, односно кетеринг. Тие средства ги обезбедивме во буџетот. Она што најмногу ќе го бара Армијата и вработените – така ќе постапиме“, рече министерот Мисајловски.
Минатиот месец многумина питомци и офицери во Центарот за обука на питомците на Воената академија „Генерал Михаило Апостолски“ побараа лекарска помош поради мачнина и повраќање, а имаше и хоспитализирани.
Свет
(Видео) Егзодус на Флорида, илјадници бегаат, заглавени на патиштата, без гориво
Денеска е последниот ден за жителите на Флорида да се евакуираат или да се предадат пред ураганот Милтон од петта категорија, потенцијално еден од најразорните што некогаш го погодиле брегот на Флорида.
Massive evacuations in Florida due to Hurricane Milton. This is I-75 in Tampa. pic.twitter.com/owHfH8v8sj
— T_CAS videos (@tecas2000) October 8, 2024
Бидејќи повеќе од милион луѓе во крајбрежните области добија наредба да се евакуираат, на оние што бегаа заради безбедност останаа без гориво на пренатрупани автопати и бензински пумпи.
Тоа донесе дополнителен метеж во областа која сè уште закрепнува од разорните ефекти на ураганот Хелена пред помалку од две недели.
Македонија
Божиновска ги излажа граѓаните за бугарското државјанство и пасошот, вели СДСМ
„Министерката за енергетика Сања Божиновска ја излажа јавноста. Божиновска тврдеше дека се откажала од бугарското државјанство и бугарскиот пасош но јавноста преку медиумите во Бугарија дозна дека не само што се уште има бугарско државјанство туку и целото нејзино семејство има бугарско држајанство и пасош“, вели СДСМ.
„Божиновска исто така се уште нема одговорено ниту за долгот на фирмите од 1 милион евра.
Граѓаните не може да имаат доверба во Божиновска кога таа ја крие вистината и ги лаже“, соопшти СДСМ