Црна хроника
За илјада евра шеф на кабинет во притвор

За илјада евра земени како поткуп, шефот на кабинетот на министерот за животна средина заврши во притвор, јави А1
Попладнево, МВР соопшти дека полицијата поднесла кривична пријава против шефот на кабинет на министерот за животна средина поради поткуп од 1.000 евра. Осомничениот В.А. (26) од Тетово, со помладиот советник во Управата за животна средина-Одделение за документирање при Министерството, И.Р. (28) извршиле “противзаконско посредување“ и побарале поткуп преку трето лице, А.У.(22) за фирма да добие дозвола од Министерството.Дозволата се однесувала на увоз за употребувани надворешни гуми за фирмата од Куманово, за чие добивање пријавените пред четири дена побарале поткуп.Фирмата, во април, по поднесеното Барање до Министерството и отсуство на одговор, побарала прием кај министерот, по што пријавените побарале мито исплатено преку А.У., за да биде потпишана дозволата, соопшти МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
19-годишна девојка загина во тешка сообраќајка на патот Скопје-Тетово

19-годишна девојка загина во тешка сообраќајна несреќа што се случила вчера, околу 16:20 часот, на регионалниот пат Скопје-Тетово.
„Патничко возило „бмв“ со скопски регистарски ознаки, управувано од 22-годишната М.Џ. од село Семениште, Општина Сарај, излетало од патот и се превртело. Во несреќата со тешки телесни повреди се здобила сопатничката В.М.(19) од село Семениште, која била пренесена во Комплекс клники „Мајка Тереза“, каде што во 17:40 часот лекар констатирал смрт“, информира МВР.
Со телесни повреди се здобиле сопатничките А.М.(21), А.М.(21) и Р.М.(24), сите од село Семениште, констатирани во Градската општа болница „Св. Наум Охридски“ во Скопје.
Увид на местото на несреќата извршиле екипа на СВР Скопје и јавен обвинител по чија наредба телото на починатата било дадено на обдукција.
Црна хроника
Лишен од слобода возач во Кавадарци, управувал возило со 2,13 промили алкохол во крвта

Полициски службеници од Полициското одделение за безбедност на патниот сообраќај при ОВР Кавадарци, ноќеска во 01:35 часот на улица „Кочо Рацин“ во Кавадарци, го лишиле од слобода Т.П.(58) од Скопје.
Како што соопштија од Министерството за внатрешни работи, при сообраќајна контола и преземени мерки констатирано е дека управувал патничко возило „фолксваген голф“ со кочански регистарски ознаки под дејство на алкохол, односно му биле измерени 2,13 промили алкохол во крвта.
„Т.П. е задржан во полициска станица, известен е јавен обвинител и по документирање на настанот против него ќе биде поднесена пријава по член 297 – а од Кривичниот законик – „безобѕирно управување со моторно возило“, информираат од МВР.
Црна хроника
Приведен возач од Кочани, возел со 2,25 промили алкохол во крвта

Полицијата приведе жител на Кочани кој возел под дејство на алкохол.
Според информациите на МВР, утрово во 03.00 часот на ул.„Маршал Тито“ во Кочани, полициски службеници од ОВР Кочани го лишија од слобода Д.Т.(28) од село Спанчево, кочанско.
При контрола во патниот сообраќај, полициските службеници го сопреле патничко возило „пасат“ со кочански регистарски ознаки, кое го управувал Д.Т., и по преземени мерки било констатирано дека е под дејство на алкохол, односно дека има 2,25 промили алкохол во крвта, по што веднаш бил исклучен од сообраќај и задржан во полициска станица.
По целосно документирање на настанот, против него ќе биде поднесена пријава по член 297-а од Кривичниот законик – „безобѕирно управување со моторно возило“.