Црна хроника
Крадецот на велосипеди конечно приведен

Полицијата најпосле го приведе триесет и деветгодишниот Х.В. од прилепското село Канатларци, поради сомнеж дека изминатите два месеца на подрачјето на Скопје, украл триесетина велосипеди
Министерството за внатрешни работи информира дека досега целосно се документирани 17 кражби, за кои против осомничениот веќе е поднесена кривична пријава, додека останатите се во фаза на разгледување и комплетирање.Х.В најчесто крадел велосипеди на подрачјето на булеварот „Крсте Мисирков“. Тој доаѓал во Скопје со намера да ги изврши кривичните дела, се задржувал ден-два и се враќал назад во Канатларци. Најголем дел од украдените велосипеди ги продавал на лица вработени на градилиштето на Бетон кај Стариот театар,со објаснение дека ги купува од пазарот за стари предмети. По целосното документирање на 17 кражби, велосипедите им се вратени на оштетените сопственици.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Скопјанец со автомобил удрил во бетонски ѕид и билборд, тешко повреден малолетник

Вчера околу 16.30 часот во СВР Скопје било пријавено дека на бул.„Македонско – косовска бригада“ во Скопје, патничко возило „бмв“ со скопски регистарски ознаки, управувано од А.К.(32) од Скопје, удрило во рекламно пано и бетонски ѕид.
Во несреќата со тешки телесни повреди се здобил малолетен сопатник во возилото, додека со телесни повреди се здобиле возачот, уште еден малолетен сопатник и сопатникот С.С.(25), сите од Скопје, констатирани во Комплекс клиники „Мајка Тереза“ во Скопје.
Извршен бил увид од увидна екипа од СВР Скопје, а по наредба на јавен обвинител возачот А.К. бил лишен од слобода и против него ќе биде поднесена пријава.
Црна хроника
Уапсен 24-годишник од Тетовско: возел со 162 км/час на место каде е дозволено 80 км/час

Вчера во 17.43 часот на автопат Тетово – Гостивар, полициски службеници од Полициската станица за безбедност на патниот сообраќај Тетово го лишиле од слобода 24-годишниот В.М. од село Пирок, тетовско.
При сообраќајна контрола и преземени мерки и активности, полициските службеници констатирале дека В.М. управувал патничко возило „фолксваген голф“ со тетовски регистерски ознаки со брзина од 162 километри на час на место каде што максималната дозволена брзина е 80 километри на час.
Лицето е пиведено во полициска станица и по целосно документирање на случајот против него ќе биде поднесена пријава по член 297 – а од Кривичниот законик – „безобѕирно управувањена моторно возило“.
Црна хроника
На тераса во Кочани украден паричник од 90-годишен маж

90-годишник од Кочани синоќа пријавил кражба што се случила околу 21:30 часот на терасата од неговата семејна куќа.
Според пријавата во ОВР Кочани, едно лице му го одзело паричникот во кој имало пари и лични документи.
Полицијата презема мерки за расчистување на случајот.