Припадници на полициската единица „Алфи“ вчера околу 15 часот, непосредно по извршување на кривично дело „разбојништво“, ги фатиле и привеле лицата С.П.(26) и С.С.(23), двајцата од Скопје

Како што соопшти МВР, од преземените мерки и разговорот извршен со нив расветлени се девет разбојништва, од кои две во обид, при што утврдено е дека се стекнале со вкупна противправна имотна корист од околу 60.000 денари. Делата ги извршиле во периодот од почетокот на февруари до крајот на август месец оваа година, на подрачјата на полициските станици „Аеродром„ и „Карпош“, во колонијални продавници, во тобака и во спортски обложувалници, претежно преку ден, маскирани со капи и фантомки и со употреба на пластичен пиштол, при што главно краделе пари и во еден случај цигари. Парите ги трошеле за свои потреби и набавка на наркотични средства, бидејќи и двајцата се наркозависници. Делата ги вршеле по предходен договор за поделба на улогите при вршењето на инкриминираните дејствија, со возило „форд фиеста„ сопственост на мајката на С.П., при што С.П. претежно возел и внимавал надвор, а С.С. маскиран влегувал во објектите и вршел противправно одземање на предметите, по што со возилото заедно бегале од местото на настанот. Фатени се во сабота околу 14:30 часот, набрзо по извршено разбијништво, во колонијалната продавница „Александрија –ОН“, лоцирана на бул.„АСНОМ“, од каде упатувајќи и закани од вработената Н.С. одзеле 8000 денари и со возило побегале. По итната полициска акција се пронајдени со возилото, лишени се од слобода и приведени во полициската станица „Аеродром“,каде во разговор ги признале сите сторени дела. Кај нив се пронајдени и привремено одземени капите-фантомки кои ги користеле за маскирање и пластичен пиштол. Од страна на оштетените извршено е и препознавање на С.П. и С.С. како сторители на ова и на уште едно разбојништво што го извршиле истиот ден, околу 13,40 часот, во дисконтот „Веле-Промет“, лоциран на бул.„Кузман Јосифовски-Питу“, во ТЦ „Скопјанка“, кое не го завршиле, бидејќи им испаднала рамката од пластичниот пиштол, по што побегнале. Според МВР, С.П. претходно е пријавуван за сторени кривични дела од имотната област.Во врска со сторените разбојништва против С.П. и С.С. во текот на денот ќе биде поднесена кривична пријава до ОЈО во Скопје.