Црна хроника
Малолетник со пиштол се самоповредил во гостиварско

Министерството за внатрешни работи, информираше за неколку случаи од нејзиниот делокруг, кои се случиле во петокто навечер
Во петокот околу 17 часот во Медицинскиот центар бил донесен 15-годишник од гостиварското сел Мало Турчане, кој се самоповредил со пиштол во дланката од левата рака. На мостот од реката Вардар во близина на Медицинскиот центар, момчето се сретнало со непознато лице кое му рекло дека има пиштол, по што повредениот му го побарал да го види како изгледа и од невнимание испукал еден куршум повредувајќи се во дланката од левата рака.Увидна екипа од полициската станица Гостивар излегла на местото на настанот, при што не се пронајдени никакви траги. По укажаната лекарска помош Ј.Л. е пуштен на домашно лекување. Полицијата презема мерки за целосно расчистување на случајот.Исто така, во петок, 21 часот непознат сторител извршил тешка кражба на два пригушника за сигнални уреди на пругата меѓу станиците Агино Село и Дељадровце на железнички км 426+500 во близина на манастирот, со што е загрозена безбедноста на железничкиот сообраќај поради нефункционирање на сигналните уреди, а железничкиот сообраќај на тој дел од пругата се одвива со ограничување на брзината.Во Гевгелија, пак, во петокот во 18.40 часот на влез во градот при контрола на автобус на „Млаз Богданци“, полициски службеник од полициската станица за преминот Богородица привеле двајца албански државјани поради илегален влез и престој во Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсен маж од Арачиново: бил баран за издржување казна затвор од четири години

Денеска околу 08:30 часот во с.Арачиново, по преземени оперативно – тактички мерки, полициски службеници го лишиле од слобода А. Б.(40) од Скопје.
Лицето било барано по централна потерница врз основа на наредба од Основен суд Скопје за издржување казна затвор од три години за сторено кривично дело „изнуда“ по член 258 став 2 во врска со став 1 во врска со член 45 став 1 и казна затвор од една година за сторено кривично дело „насилство“ по член 386 став 3 во врска со став 1 од Кривичниот законик.
Лицето е предадено во Казнено-поправна установа Идризово за издржување на казната.
Црна хроника
Малолетник нападнат во градски автобус на подрачјето на Бит Пазар

Две машки лица нападнале малолетник во автобус на ЈСП.
Случајот во СВР Скопје, вчера во 10.40 часот го пријавила неговата мајка В.Н.(54) од Скопје.
Таа пријавила дека на 16.04.2025 во 23.04 часот во градски автобус на ЈСП Скопје на подрачјето на Бит Пазар во Скопје, нејзиниот малолетен син бил физички нападнат од две машки лица.
Се преземаат мерки за расистување на случајот, соопшти МВР.
Црна хроника
Струмичанец со трактор насилно влегол во шумски склад и оштетил возило

Синоќа во 20.20 часот во Струмица, полициски службеници од СВР Струмица го лишиле од слобода З.Х.(43) од село Просениково, струмичко.
Тој, околу 17.00 часот со неговиот трактор насилно влегол во шумски склад на ЈП „Национални шуми“, подружница Беласица – Струмица и оштетил возило, кое претходно било одземено и паркирано во складот.
Лицето било задржано во Полициската станица Струмица, а за настанот бил запознаен јавен обвинител од Основното јавно обвинителство Струмица.
Според полицијата, по целосно документирање на случајот против З.Х. ќе биде поднесена соодветна пријава.