Радовишката полиција Радовиш, до Основниот јавен обвинител Струмица на 13-ти овој месец кривично ги пријавила С.П (22), Н.Ж (21) и Ф.П (27) од Подареш поради основано сомневање дека сториле повеќе кривични дела “кражби“ и “тешки кражби“ на подрачјето на Радовиш во текот на 2008 и 2009 г.

Од вкупно 28-те кривични дела, најголем дел се извршени во куќи, во два случаи во фирми и во еден случај кражбата е извршена во продавница. Делата се извршени со употреба на подесен алат и разбивање брави од влезни врати, со  насилно отворање на прозорци. Притоа одземени се пари, златен накит, дијаманти, дигитални фотоапарати, мобилни телефони, велосипеди, керамички плочки и друго, при што е причинета вкупна материјална штета во висина од 2.196.020 денари. Првопријавениот во врска со поднесена кривична пријава за извршено кривично дело тешка кражба на подрачјето на општина Штип веќе се наоѓа во притвор, додека на второпријавениот од страна на истражен судија му е одредена мерка притвор во траење од 30 дена. На третопријавениот му е одредена мерка притвор во траење од 20 дена.