Црна хроника
Кривична пријава против полицаец за нанесување „тешка телесна повреда“
Секторот за внатрешна контрола и професионални стандарди до Основното јавно обвинителство во Штип поднесе кривична пријава против С.А.(44), полицаец во Полициската станица Штип за сторено кривично дело „тешка телесна повреда“
Пријавениот, на улицата „Маршал Тито“ во Штип, без причина, со тупаници во пределот на главата, на Д.П. од Штип му нанел тешка телесна повреда со кршење на двата предни заба. Оштетениот од ноќниот бар „Кабаре“, излегол заедно со две пријателки, кои сакале да заминат сами дома со такси возило, на што оштетениот се спротивставувал, барајќи и тој да се качи со нив во возилото, по што настанала меѓусебна расправија. Во еден момент, зад Д.П. дошол пријавениот С.А., полициски службеник, кој во тоа време бил на работа и се вмешал во разговорот со барање Д.П. да се повлече настрана. Д.П., кој бил под дејство на алкохол – 1,92 промили и имал оштетен вид на десното око, не забележал дека С.А. е полициски службеник и продолжил со претходните дејствија, по што настанала вербална расправија помеѓу нив двајцата.Бидејќи не било постапено по укажувањето на полицискиот службеник, тој со тупаница силно го удрил Д.П. во пределот на главата и од ударот му се скршиле два предни заба. Откако, оштетениот видел дека лицето што го удрило е полициски службеник, побарал да му објасни зошто го удрил и да се легитимира, а пријавениот лажно се претставил, со име кое оштетениот го запишал на ливче хартија.Иако, С.А. видел дека настанале телесни повреди кај Д.П., како службено лице не му пружил помош и без да преземе било какви други службени дејствија, го напуштил местото.По ова, Д.П. веднаш се упатил во полициска станица-Штип, каде му било земено записник за усно поднесена претставка, по што бил упатен во Медицинскиот центар-Штип заради пружање помош и обезбедување соодветна медицинска документација.По добивањето на записникот, Секторот за внатрешна контрола, презеде мерки за утврдување на фактичката состојба при што во евиденцијата при Полициската станица од СВР-Штип е утврдено дека во книгата за дневни настани, како и во билтенот за дневни настани за истиот ден заведен е настан „омаловажување на униформиран полициски службеник“ и е поднесено Барање за поведување прекршочна постапка против Д.П. Секторот за внатрешна контрола и професионални стандарди, согласно Законот за полиција и Уредбата за изменување на Уредбата за употреба на средства на присилба и огнено оружје изготви извештај со оценка дека средствата за присилба во случајот се неосновано и неоправдано употребени.„Врз основа на ваквата оценка, материјалните докази и извршените разговори со сите инволвирани лица во настанот очигледно е дека постојат елементи што го чинат битието на кривичното дело „тешка телесна повреда”, поради што е поднесена и кривичната пријава. Покрај кривичната пријава, од страна на СВКПС до непосредниот старешина каде С.А. е вработен е изречена задолжителна мерка да покрене постапка за утврдување на одговорност“, се вели во соопштението од МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична против директорка на градинка во Велес, при аплицирање за позицијата дала сертификат за англиски јазик со невистинита содржина
Единицата за корупција при Одделот за сузбивање на организиран и сериозен криминал (ОСОСК) на 25.04.2024 до ОЈО Велес поднесе кривична пријава против 44-годишната М.В. од Велес, поради постоење на основи на сомнение за сторено кривично дело „употреба на исправа со невистинита содржина“, согласно член 380 ст.1 од Кривичниот законик.
„Пријавената, на функција директор во општинска јавна установа за деца – детска градинка во Велес, прибавила меѓународно признаен сертификат за познавање на англиски јазик со нејзино име, издадена од училиште за јазици од Пловдив, Р.Бугарија.
Иако знаела дека исправата е со невистинита содржина, М.В. ја употребила како доказ дека поседува меѓународно признаен сертификат при нејзиното аплицирање на Јавен оглас за избор на директор на детската градинка, по што и била именувана на функцијата“, соопшти МВР.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.