Дванаесет мигранти од кои седум од Авганистан и петмина од Пакистан биле пронајдени од страна на полициски службеници во комбе на автопатот Куманово – Табановце.

Полицајците го забележале комбето без регистарски ознаки во вечерните часови на 14. ноември на местото викано Обиколница Костурник  и започнале потера по него, по што успеале да го сопрат.

Во него биле пронајдени 12-те мигранти кои биле уапсени и предеадени во СВР Куманово за понатамошна постапка.

Струшката полиција поднесе кривична пријава против 58-годишен жител на струшкото село Радолишта, кој без дозвола започнал да гради станбен објект во Струга.

Како што информираат од МВР, во 2019, 58-годишникот започнал со изградба на објект на струшката улица „Маршал Тито“, без претходно добиена градежна дозвола и друга неопходна документација.

Тој се товари за сторено кривично дело „бесправно градење“.

Скопјанец на возраст од 21 година во вечерните часови на 15. ноември бил нападнат на улица од две други лица.

Во полиција, 21-годишникот пријавил дека нападот се случил на крстосницата меѓу булеварите „Македонско-косовска бригада“ и „Босна и Херцеговина“.

Според пријавата, напаѓачите се Г.А. и Ф.Н. со кои натепаниот претходно имал расправија на социјалните мрежи.

Полицијата презема мерки за расчистување на случајот.