Црна хроника
Убиен на лов во кривопаланечко
Во четвртокот околу 10.30 часот, кај месноста Езерце во атарот на кривопаланечкото село Кркља, 26-годишен жител на Крива Паланка бил погоден со истрел од ловна пушка, а од тежината на повредата тој починал на пат кон Медицинскиот центар Крива Паланка
Од страна на Истражен судија и екипа од полициската станица Крива Паланка бил направен увид на местото на несреќата, при што биле пронајдени три зрна од испукан патрон. Во врска со тоа, во полициската станица во Крива Паланка бил приведен 44-годишен жител на селото Кркља, кој е осомничен дека ја предивикал несреќата. Против него по целосно расчистување и документирање на случајот ќе биде поднесена соодветна кривична пријава, информираат од Минситерството за внатрешни работи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.