Црна хроника
Фатени ограбувачи на викендички во Велешко
Фатени се арамиите кои повеќе години насилно влегуваа во викендици во околината на Велес, соопшти велешката полиција
Уапсени се четириесет идве годишниот У.У и шеснаесет годишниот малолетник Љ.А и против нив се поднесени кривични пријави, изјави портпаролот на СВР Велес, Анита Стојковска. Осомничените само во последниве два месеци извршиле пет тешки кражби во викендици во околината на Велес. Тие „оперирале“ во викенд – куќите во месностите Трпезица, Бојаџиина чешма, Каменот и Трети дол. Според полицијата, арамиите насилно влегувале во викендиците и земале се што ќе им дошло при рака, а украдените предмети не ги носеле во отпад за старо железо, туку ги продавале на градскиот пазар како стари работи. Полицијата ги фатила арамиите кога на почетокот на месецов им поставила заседа во една викендица, за која што претходно имале сознанија дека двајцата осомничени насилно ќе влезат. По апсењето, крадците ги признале и останатите кражби.Двајцата арамии од порано и се познати на велешката полиција. За вакви и слични кривични дела тие повеќепати досега биле казнувани. СВР Велес до Основното јавно обвинителство против двајцата арамии поднесе кривични пријави за сторени кривични дела тешка кражба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Акција на полицијата, се апсеа лица осомничени за трговија со дрога
На 28/29.11.2025 во Скопје, на различни локации, полициски службеници од СВР Скопје ги лишија од слобода Д.К.(29) од Р. Словенија, О.О.(30) од Р. Турција, М.И.(39), Р.Ш.(42) и К.К.(43) сите од Скопје, затоа што кај нив се пронајдени и одземени марихуана, бела грутчеста материја и четири шишиња со течност.
По целосно документирање на случаите ќе следуваат соодветни поднесоци.
Црна хроника
Струмичани украле 160 вреќи компир од камион
Полицијата сомничи четири лица од Струмица дека ноќта меѓу 28 и 29 ноември од паркиран камион „мерцедес“ со тетовски регистарски ознаки, сопственост на К.С. од село Горна Речица, украле 160 вреќи со компир, соопштија попладнево од СВР Струмица.
Во сопштението се наведува дека полициски службеници од СВР Струмица ги лишиле од слобода Ј.А.(40), М.А.(34) и Р.Д.(31), сите од Струмица.
– Во просториите на СВР Струмица бил повикан и И.А.(38) од Струмица, кој исто така се сомничи дека заедно со Ј.А., М.А. и Р.Д. го сториле делото. Со сите лица се извршени службени разговори, истите го признале делото, по што од Ј.А. и М.А. биле одземени 160 вреќи со компир, кој ги одзеле при вршење на кражбата и истите се вратени на сопственикот,стои во полициското соопштение.
Се додава дека за настанот е запознаен јавен обвинител од ОЈО Струмица, а по документирање на случајот против лицата ќе биде поднесена соодветна пријава.
Црна хроника
Маж од Јегуновце извршил насилство врз деца за време на час
Шеесет и петгодишен маж од општина Јегуновце се сомничи дека извршил насилство врз две деца за време на училишен час.
Инцидентот, според полицијата, се случил во образовна установа во село во општина Камењане.
СВР Тетово поднесе кривична пријава против Ќ.А. (65) поради постоење основи на сомнение за сторено кривично дело „насилство“ врз деца.
„На 19.09.2025 година во образовна установа во село во општина Камењане, за време на одржување на час, пријавениот во неколку наврати насилно се однесувал кон двајца малолетници“, информираат од полицијата.

