Македонско-албанско семејство кое работи за ИСАФ е осомничено за криумчарење и злосторства, пренесоа светските агенции

Станува збор за фирмата Еколог од Диселдорф која има свое претставништво и во Тетово и е во сопственост на македонско-албанска компанија а работи логистички за мисијата ИСАФ во Авганистан, наводно е вмешана во кривичлни дела, пишува Deutsche Welle.Германскиот генерал Егон Рамс, кој командува во холандскиот град Брунсум, изјавил дека според она што нему му е познато, постои опасност од криумчарење дрога и слични активности. „Според информациите со кои сега располагаме, важно е да се утврди дали компанијата Еколог може да ги користела договорите што ги склучила со нас да ги користела за илегални активности кои не можат да бидат во интерес на НАТО и ИСАФ, како ниту во интересот на државите кои учествуваат во мисијата“, рекол генерал Рамс. Како основа за ова истрага на НАТО, меѓу другото послужиле и сознанијата на КФОР за влијателната македонско-албанска фамилија Дестани од околината на Тетотв, во чија сопственост е фирмата „Еколог“.

Според сознанијата, оваа фирма првпат е осомничена пред осум години и се споменува во таен извештај на германската разузнавачка служба којашто дејствувала во склоп на КФОР каде се изнесува оценката дека станува збор за клан кој има тежиште врз организираниот криминал.Во сегашното доверливо известување, се зборуива дека семејстовото Дестани од Тетово ги контролира злосторствата и криумчарските активности во пограничниот регион меѓу Косово и Македонија. „Еколог“ издаде соопштени попладнево во кое се вели дека оценките од кругови блиски на КФОР се „содржински неточни“ и дека не постои поврзаност меѓу фирмата или неговите сопственици  со криминални кругови. Според нив, најверојатно станува збор за „грешка во името“.„Деловната врска се’ уште не е преиспитана. Мене дури сега некои факти ми се познати. Та автоматски доведува до покренување истрага колку Еколог се’ уште може да виде пригфатлив како деловен партнер. Во мој интерес е НАТО и ИСАФ да не бидат доведени во каква и да е врска со нелегални работи“, изјавил генералот Рамс за  Deutsche Welle, кој попладнево ја проследи оваа доверлива информација.