Според неофицијални информации, идентификувани се тројца од убиените во престрелката со македонската полиција утрово во атарот на селото Радуша

Според полициски извори, меѓу ликвидираните околу три часот утрово на падините на Скопска Црна Гора од шверцерката група која отворила оган врз полицајците кои се обиделе да го запрат нивното комбе, се Џафер Шаља, 31-годишен од Приштина, Кемал Фејзула од селото Грчец и Шабан Зенуни од Мерово. За нив имено постои полициска евиденција, додека за четвртиот идентификацијата се уште е во тек.   Интересно е што Зенуни е осомничен за едниот од предметите за од т.н. хашки слуачи, случајот со киднапирањето и малтретирањето на работниците на ГП „Маврово“ во конфликтот од 2001 г.

Во Основниот суд Скопје 1 во мај 2008 г. почна процесот за случајот малтретирани работници на ГП „Маврово”. Тој е првиот од четирите хашки случаи подигнати за злосторства против човештвото од 2001 г.На материјалот содржан во ова досие работеа двајца обвинители, а Основното јавно обвинителство не отстапува од свој став изграден уште во времето кога ова досие беше испратено во Хаг, а од таму вратено пред македонските судови и досега се преведуваше.