Црна хроника
Македонски државјани уапсени за кржба во СЗО во Швајцарија

Тројца македонски државјани, што пренесувале еден сеф и десет компјутери, украдени од канцеларијата на Светската здравствена организација (СЗО) во Женева, се уапсени утрово додека се обидувале да влезат во Франција
„По сослушувањето на тројцата приведени, полицијата заклучила дека сефот и компјутерите се украдени од просториите на СЗО“, изјавил за медиумите портпаролот на швајцарската полиција Жан Филип Брант.Двајца од приведените, според полицијата имале крв на рацете, затоа што се обиделе да ги искршат прозорците на приземната просторија на СЗО.Компјутерите се украдени од канцеларијата на литванската делегација, што дошла на состанокот посветен на сидата, но полицијата не може да прецизира што се наоѓа во сефот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Се запалија викендичка на Матка и кафеана во Гази Баба

Во текот на вчерашниот ден во Скопје се случиле два одделни пожари, потврди Министерството за внатрешни работи.
Првиот пожар избувнал околу 09:50 часот во угостителски објект на подрачјето на Гази Баба, а вториот околу 16:38 часот во викенд-куќа во село Долна Матка, сопственост на Ј.Д. (71) од Скопје.
Во двата случаи пожарите биле изгаснати од екипи на Бригадата за противпожарна заштита на Град Скопје, повредени лица нема, а увид извршиле екипи од СВР Скопје.
Црна хроника
Приведен маж од Мршевци по пријава дека физички нападнал малолетник

Полициски службеници од СВР Скопје го привеле Б.С. (54) од село Мршевци, општина Илинден, по пријава дека физички го нападнал малолетниот син на 39-годишната А.Ј.
Инцидентот се случил на 19 октомври 2025 година околу 15:30 часот во селото Мршевци. Од МВР информираа дека по целосно документирање на случајот ќе биде поднесен соодветен поднесок против приведениот.
Црна хроника
Скопјанец му се заканувал и му го оштетил возилото на својот брат

Полицијата го приведе Б.М. (45) од Скопје на подрачјето на Карпош, по пријава дека упатувал закани кон својот 46-годишен брат, а потоа со тврд предмет го оштетил неговото патничко возило.
Инцидентот се случил вчера околу 10 часот, а по целосно документирање на случајот, против осомничениот ќе биде поднесен соодветен поднесок, соопштија од Министерството за внатрешни работи.