Тетовската полиција ги откри разбојниците кои минатиот петок од компанијата „Еуро-табак“ успеаја да украдат 1.725.380 денари

Против седумчлената група поднесени се кривични пријави за разбојништво и за помагање под сомнение дека извршиле грабеж во фирмата. Истражен судија од Гостивар им одреди 30 дневен притвор. Двајца од нив се во бегство.Меѓу пријавените е и еден од вработените кој го пријави инцидентот во полицијата. Според досегашните сознанија токму тој го организирал грабежот во кој беа вклучени уште три лица, информираат од МВР.Четворица од пријавените се осомничени како директни извршители на разбојништвото. Тие претходно се договориле да набават се што е потребно за да можат да го украдат дневниот промет од „Еуротабак“. Меѓу нив е и вработениот кој ја алармираше полицијата за настанот. Тој останал на работното место, најверојатно за никој да не се посомнева во него дека е дел од групата.Останатите тројца се пријавени дека подоцна на различни начини им помагале на крадците да ги сокријат украдените пари и предметите што ги користеле при грабежот.Пронајдени се и дел од парите. Полицијата пронашла околу милион денари. Биле скриени во гардеробата и апаратите за домаќинство на осомничените