Дваесет и осумгодишна девојка од Мала Речица и 11-годишно девојче од населбата Дреновец, Тетово се повредени во понеделник попладне при пукање на свадба во тетовското село Камењане, соопшти МВР.

Девојката била однесена во болница со рана во пределот на десната страна од вратот, а девојчето имало огреботина во левата шака.

Во понеделникот попладне во домот на педесет и тригодишен жител на Камењане имало свадба.

Сопственикот на куќата зел пиштол и излегол на терасата од куќата и почнал да пука. Но куршуми удриле во таванскиот дел од терасата, се одбиле и ги повредиле девојките.

Екипа на СВР Тетово извршила увид на лице место и пронашла повеќе фрагменти од проектили, три чаури од пиштолска муниција и една чаура од пиштол за светлосна и звучна сигнализација.

Пукачот е приведен, а неговиот пиштол кој го поседувал без дозвола е одземен./крај/мвр/фф