Црна хроника
Скопјанец натепан без никаков повод

Скопјанец, во вторникот, на улица бил натепан и расечен со нож, без никаков повод, соопшти МВР
Имено, околу 12.50 часот во Скопје, на ул.„Моша Пијаде“ бб, Х.Ф.(1982) од Скопје, додека бил на работа во казиното „Ројал“, излегол да земе алат од своето возило, каде го затекнал извесен Нено од населба Ѓорче Петров.
Кога Х.Ф. го прашал што прави таму, Нено физички го нападнал, извадил нож и го удрил во пределот на рамото и десната слепоочница, при што го исекол на десната рака.
По настанот, Х.Ф. е задржан во Градската општа болница каде е констатирана телесна повреда.
Причината за физичкиот напад е непозната.
Полициската станица – Центар презема мерки за целосно расчистување на случајот./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Се запалија викендичка на Матка и кафеана во Гази Баба

Во текот на вчерашниот ден во Скопје се случиле два одделни пожари, потврди Министерството за внатрешни работи.
Првиот пожар избувнал околу 09:50 часот во угостителски објект на подрачјето на Гази Баба, а вториот околу 16:38 часот во викенд-куќа во село Долна Матка, сопственост на Ј.Д. (71) од Скопје.
Во двата случаи пожарите биле изгаснати од екипи на Бригадата за противпожарна заштита на Град Скопје, повредени лица нема, а увид извршиле екипи од СВР Скопје.
Црна хроника
Приведен маж од Мршевци по пријава дека физички нападнал малолетник

Полициски службеници од СВР Скопје го привеле Б.С. (54) од село Мршевци, општина Илинден, по пријава дека физички го нападнал малолетниот син на 39-годишната А.Ј.
Инцидентот се случил на 19 октомври 2025 година околу 15:30 часот во селото Мршевци. Од МВР информираа дека по целосно документирање на случајот ќе биде поднесен соодветен поднесок против приведениот.
Црна хроника
Скопјанец му се заканувал и му го оштетил возилото на својот брат

Полицијата го приведе Б.М. (45) од Скопје на подрачјето на Карпош, по пријава дека упатувал закани кон својот 46-годишен брат, а потоа со тврд предмет го оштетил неговото патничко возило.
Инцидентот се случил вчера околу 10 часот, а по целосно документирање на случајот, против осомничениот ќе биде поднесен соодветен поднесок, соопштија од Министерството за внатрешни работи.