Црна хроника
Охриѓанец грабнал и малтретирал Србинка оти не сакала да му биде девојка

Охриѓанец ја грабнал и малтретирал поранешната девојка, Србинка бидејќи не сакала да ја продолжат љубовната врска, соопшти МВР.
Пред два дена, вечерта во 23.30 часот триесетгодишниот охриѓанец ја пресретнал поранешната девојка и насилно ја внел во неговиот автомобил „БМВ“.
Почнале да се расправаат, а охриѓанецот извадил пиштол и ја удрил на вратот. Потоа на телефон повикал негов другар за да ги вози низ градот.
Еден час ја возеле девојката во автомобилот,а поранешниот дечко цело време и се заканувал. Ја однеле во нејзиниот стан, а другарот чекал пред зградата.
Насилниот охриѓанец продолжил да и се заканува на девојката, но по кратко време во станот пристигнале нејзини роднини кои се обиделе да пријават во полиција.
Охриѓанецот им се заканувал со пиштол и им велел да не пријавуваат. Во еден момент пред станот дошол неговиот другар, го истргал разлутениот пријател и избегале.
Но полицијата набрзо ги фатила и ги привела. Осомничените се изведени пред истражен судија со кривична пријава за „грабнување“, кој им одредил 30 дена притвор./крај/мвр/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Жена од тетовско измамена за 500 евра со лажно ветување за социјална помош

59-годишна жена од тетовско село пријавила во полицијата дека била измамена од две лица, меѓу кои и Х.„Н“ од тетовско.
Според пријавата, во текот на 2024 година тие ја довеле во заблуда со ветување дека ќе ѝ обезбедат примање на социјална помош – надомест за туѓа нега, за што таа им платила 500 евра. Жената подготвила и цела документација, но на крајот на 2024 година добила официјално решение со кое нејзиното барање било одбиено.
Како што дополнително пријавила, таа ги известила измамниците за одбивањето, но тие продолжиле да ја убедуваат дека набргу ќе ги добие парите. По извесно време го прекинале контактот со неа, по што сфатила дека е измамена.
Случајот е пријавен во полиција, а надлежните органи преземаат мерки за целосно расчистување на измамата.
Црна хроника
Возачот му ветил дека ќе плати за болничките трошоци, но не исполнил – тротинетистот со задоцнување го пријавил настанот

Дваесетгодишен скопјанец впријавил дека на 1 септември годинава учествувал во сообраќајна несреќа во Шуто Оризари, во која се судриле патничко возило „мерцедес“ и електричен тротинет што го управувал тој.
При несреќата младиот тротинетист се здобил со тешки телесни повреди, констатирани во Градската општа болница „Св. Наум Охридски“. Според неговата пријава, со возачот на автомобилот постигнал договор да му плати за болничките трошоци, но тоа не било сторено, поради што со задоцнување го пријавил настанот во полиција.
Од МВР информираат дека се преземаат мерки за пронаоѓање на возачот на автомобилот и целосно расчистување на случајот.
Црна хроника
Уапсени две лица од Струга и Струшко, осомничени за физички напад и пукање од огнено оружје, следува пријава

Вчера во 23:00 часот, полициски службеници од ОВР Струга го лишија од слобода А.К.(29) од Струга и на 17.09.2025 околу 11:00 часот го лишија од слобода Л.К.(34) од струшкото село Велешта во врска со кривично дело „убиство“ во обид по член 123 став 1 во врска со член 19 од Кривичниот законик.
Тие, претходно на улица „ЈНА“ во Струга, со метални предмети ги нападнале Б.А.(52) и 17-годишно лице, двајцата од дебарското село Џепиште, по што Л.К. со пиштол испукал неколку куршуми кон Б.А. и избегал.
По преземени мерки, двајцата се пронајдени и лишени од слобода. Повредениот, со возило на Итната медицинска помош е пренесен во Општата болница во Струга каде се констатирани тешки телесни повреди. По целосно расчистување и документирање на настанот, ќе бидат поднесени соодветни пријави.