Секторот за внатрешни работи на Тетово расчисти шест тешки кражби и едно разбојништво кои се случиле крајот на минатата и од почетокот на годинава поширокото тетовско подрачје.

Како што информираше портпарол на СВР Тетово, Марјан Јосифовски за пет од овие кражби, извршени во угостителски објекти и магацин за сточарски производи во Тетово полицијата сомничи три лица, сите од градот, на возраст од 23 до 26 години.

Осомничените откако насилно ќе провалиле во објектите, одземале телевизори, музички инструменти, сирење и друго, а потоа ги продавале на заинтересирани поединци во Тетово, Гостивар и Охрид.

За извршување на шестата расветлена кражба на музички инструменти во угостителски објект во Теарце се сомничат 30-годишник и уште едно лице, чиј идентитет веќе е познат на тетовската полиција и според Јосифовски наскоро ќе биде повикано на разговор.

Разбојништвото врз тетовски таксист извршено на 5-ти декември минатата 2012 година се сомничи дека го извршил тетовецот 26-годишен тетовец, кој притоа му нанел видливи повреди и му го одзел телефонот на возачот.

Најголемиот број од одземените предмети се пронајдени и ќе им бидат вратени на нивните сопственици додека против шесте лица инволвираните во тешките кражби и разбојништвото ќе следуваат соодветни пријави./крај/мф/сн