Црна хроника
Охриѓани и стружани се степаа по ракометен натпревар
Во саботата вечерта по одигрување на ракометниот натпревар меѓу Охрид 2011-та и Струга дошло до меѓусебна расправија и физичка пресметка а со интервенција на присутните полицајци вил спречен поголем инцидент, соопштија од охридската полициска управа
Инцидентот се случил по 21 часот во саботата во охридскиот Спортско-рекреативен центар „Билјанини извори ” во спортската сала „Атина Бојаџи”, откако спортска пресметка меѓу двата соседни ривала заврши со нерешен резултат 19:19.
Дваесет и двегодишен играч на домашниот клуб Охрид 2011 по мечот физички нападнал 27-годишне играч на ракометниот клуб од Струга , што предизвикало меѓусебна расправија и турканица од страна на играчите од двете екипи. На тоа реагирал и дел од публиката со фрлање разни предмети кон играчите и обидувајќи се да влезе во теренот.
Охридската полиција реагирала и било спречено натамошно нарушување, а во тек е расчистување на случајот кој најверојатно ќе заврши со поднесување на прекршочни пријави од страна на полицијата, но се очекуваат поригорозни санкции од стран ана ракометната федерација./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведен крадец во Кавадарци
Вчера во 18.50 часот во Кавадарци, полициски службеници од ОВР Кавадарци го привеле Ф.Ј.(18) од Кавадарци.
Тој се сомничи дека извршил „кражба“ од дворот на манастирот „Свети Никола Моклишки“ во атар на с.Ваташа, кавадаречко, при што одзел повеќе предмети. Кај него биле пронајдени одземените предмети и биле вратени на сопственикот.
За настанот бил известен јавен обвинител и по негово документирање ќе биде поднесена соодветна пријава.
Црна хроника
167 санкционирани возачи во Скопје
Секторот за внатрешни работи Скопје вчера продолжи со контролите во областа на сообраќајот.
На територија на град Скопје изречени се вкупно 167 мерки, меѓу кои за возење повеќе од дозволената брзина 16 санкции, 10 мерки за возење без возачка дозвола, 14 санкции за минување на затворен сигнал – црвено светло, девет мерки за користење на мобилен телефон при возење…
Црна хроника
Четири лица искасани од кучиња скитници во Скопје
Четири лица пријавиле во полициска станица дека биле искасани од кучиња скитници вчера во Скопје.
На 26.03.2024 во 12.55 часот во Полициската станица Центар, А.К.(24) од Прилеп пријавил дека на ул.„Орце Николов“ во Скопје бил каснат од куче скитник.
На 26.03.2024 во 13.35 часот во Полициската станица Центар, И.А.(60) од Скопје пријавил дека на ул.„Радњанска“ во Скопје бил каснат од куче скитник.
На 26.03.2024 во 13.50 часот во Полициската станица Центар, В.В.(57) од Охрид пријавил дека во Скопје, на подрачјето на Центар бил каснат од куче скитник.
На 26.03.2024 во 12.45 часот во Полициската станица Аеродром, Д.К.(53) од Скопје пријавила дека на ул.„Беласица“ во Скопје била касната од куче скитник.