Црна хроника
Обвинителството ќе соопшти дали ќе покрене истрага за смртта на Младенов

Јавното обвинителство во среда на прес –конференција ќе ги соопшти резултатите од преземените дејствија за сообраќајната несреќа во којашто загина сопственикот и новинар во дневниот и неделниот весник Фокус, Никола Младенов.
Од Кривичниот суд соопштија дека сообраќајката била несреќен случај, но сé уште не е утврдено од каде се враќал Младенов вечерта, дали можеби некој го бркал со друг автомобил, дали автомобилот бил технички исправен, а нема информации и за неговиот телефон.
Сите материјални докази и цела документација беа предадени во јавното обвинителство, па јавниот обвинител требаше да одлучи дали ќе отвори истрага, односно дали ќе се направат дополнителни вештачења.
Никола Младенов загина во тешка сообраќајна несреќа што се случи во март на патот Велес – Скопје на клучката кај Хиподром.
По три месеци пауза во петок се очекува да излезе новиот број на неделниот весник Фокус./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Жена од Илинден пријавила дека такси возач ја вознемирувал и ја допирал по телото

Вчера во Полициското одделение Петровец, 37-годишна жена од населено место во општина Илинден пријавила дека на 15 септември, 30 минути по полноќ, такси возач наместо да ја однесе до нејзиниот дом, почнал да ја допира по телото.
Откако му се спротивставила, возачот престанал и ја однел до нејзиниот дом.
Жената го пријавила инцидентот и во такси-компанијата каде што возачот бил вработен, по што тој бил отпуштен од работа.
Од МВР велат дека се преземаат мерки за целосно расчистување на случајот.
Црна хроника
Сведок почина во граѓанскиот суд во Скопје

Вчера во полицијата било пријавено дека во Основниот граѓански суд Скопје починал З.Д., кој бил сведок на судење.
Лекар од Итната медицинска помош констатирал смрт, а по наредба на јавен обвинител, телото на починатиот е дадено на обдукција, соопшти МВР во дневниот полициски билтен.
Црна хроника
Пациент во Тетово нападнал лекар и полицаец во болница

Полицијата од Тетово вчера попладне го приведе М.М. (28) од селото Челопек, по пријава дека во Клиничката болница во Тетово агресивно се однесувал кон медицинскиот персонал и физички го нападнал Л.А. (31) од село Желино, лекар кој се обидувал да му укаже лекарска помош.
Според МВР, по пристигнувањето на полицијата, осомничениот продолжил со агресивното однесување и нападнал и еден од полициските службеници.
М.М. е задржан во полициска станица, а по целосно документирање на случајот против него ќе биде поднесена соодветна пријава.