Црна хроника
Крадци снимени на камера на Клинички
Корисници на метадонска терапија снимени на камерите во Клиничкиот центар како крадат.
Пред два дена полицајци ги затекнале лица во Клиничкиот центар каде примале метадон и му нашле клучеви од автомобил, плочка од Авторадио со ЦД во футрола, очила за сонце и лични документи на име од друго лице.
Крадците најпрвин украле женска чанта од стол во библиотеката на Клиничкиот центар додека еден од нив му го одвлекувал вниманието на докторот. Еден од нив ги зел клучевите од автомобил во чантата и го барал возилото, но не успеал да го најде.
Чантата му ја дал на другиот крадец кој ја оставил на портирницата на Клиника и пријавил дека случајно ја нашол.
Потоа нашол автомобил Форд мондео со отворен прозорец и украл банкарски картици, очила за сонце и се што било најдено кај крадците со што се стекнале со противправна имотна корист од околу 30.000 денари.
Не успеале да извадат пари од картичките и биле фатени од страна на полицијата со украдените предмети.
Предметите се предадени на сопствениците, а крадците се приведени./крај/мвр
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Почина затвореник во Идризово
Вчера во 19:15 часот во СВР Скопје, од Казнено поправна установа Идризово Скопје било пријавено дека Р.Ф.(52) од с.Речане-гостиварско (осудено лице) починал, а лекар од Итна медицинска помош констатирал смрт без видливи знаци на насилство.
Извршен бил увид од увидна екипа од СВР Скопје.
По наредба на јавен обвинител телото на починатиот било предадено на обдукција.
Црна хроника
Украден сеф со пари од продажен објект во Карпош
Во 03.20 часот во СВР Скопје било пријавено дека во продажен објект на подрачјето на Карпош, од страна на непознати сторители, со употреба на физичка сила било влезено и одземен бил сеф со пари.
Се преземаат мерки за расчистување на случајот.
Црна хроника
Со трактор излетал од коловоз, тешко повреден маж во Виничко
Вчера, во 17 часот, во Полициската станица Виница било пријавено дека во село Трстија, Виничко, трактор „фергусон“, со штипски регистарски ознаки, управуван од 63-годишниот С. Ј. од село Нов Караорман, општина Карбинци, излетал од коловозот, извести МВР.
„Во несреќата тешки телесни повреди добил возачот, констатирани во Клиничката болница во Штип“, соопшти МВР.
Извршен бил увид од екипа на ОВР Виница.