Црна хроника
Вкупно три тепачки на автобуски постојки, десетина претепани

Вкупно три тепачки на автобуски постојки се регистрирани во четвртокот во полицискиот билтен.
Освен тепачката што се случи во селото Синѓелиќ, кога 10-15 маскирани лица претепаа осум средношколци во автобус, во четвртокот околу 13 часот, на улица „Трета македонска бригада“ околу 15 ученици без повод и причина нападнале седумнаесетгодишно момче на автобуската станица во автобус број 33.
Малолетникот бил пренесен во „Св. Наум Охридски“.
Уште еден инцидент се случил во четвртокот и на булеварот „Борис Трајковски“ во Кисела Вода, кога непознато лице без повод и причина нападнало две шеснаесетгодишни момчиња.
Полицијата презема мерки за откривање на сторителите./крај/мвр/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Возило на 26-годишник оштетено од неколку проектили од огнено оружје: полицијата го расчистува случајот

Вчера околу 21:20 часот во СВР Скопје, 26-годишниот Ш.Ј. од село Крушопек, општина Сарај, пријави дека на паркинг простор пред угостителски објект во село Лака, скопско, неговото паркирано патничко возило „сеат алтеа“ со скопски регистарски ознаки било оштетено од неколку проектили од огнено оружје.
Се преземаат мерки за расчистување на случајот.
Црна хроника
Тешко повредена 29-годишна жена од Битолско по пад од трактор

Вчера во 19:20 часот во СВР Битола е пријавено дека на регионалниот пат Р-2333 Битола-Драгош, на крстосница за село Барешани, додека 30-годишниот Р.М. од село Острец, битолско, управувал трактор „тафе“ со приколка, неговата сопатничка У.М.(29) од истото село, паднала од тракторот, при што се здобила со тешки телесни повреди констатирани во Клиничка болница Битола.
Извршен е увид од увидна екипа на СВР Битола.
Црна хроника
14-годишник нападнат на трим-патека во Кисела Вода од повеќе малолетници

Вчера во 14:30 часот во СВР Скопје, 54-годишниот Д.Х. од Скопје пријави дека на 09.08.2025 околу 22:30 часот на трим патека на подрачје на Кисела Вода во Скопје, неговиот 14-годишен син, додека бил со неговиот брат и другарка, по претходна расправија, бил физички нападнат од повеќе малолетници, кои ги познава и кои носеле и метални предмети.
Се преземаат мерки за расчистување на случајот