Црна хроника
Истрагата за Музејот се уште трае, осомничени нема

Истрагата за кражбата на артефактите во Музејот на Македонија се уште трае, а полицијата нема осомничени.
Министерката за внатрешни работи, Гордана Јанкулоска вели дека се работи за комплексна активност која опфаќа многу анализи за кои е потребно време да бидат стручно и професионално спроведени.
Музејот е се уште затворен за посетители и се додека трае истрагата движењето ќе биде ограничено, велат од МВР.
Министерката за внатрешни работи Гордана Јанкулоска информира дека истрагата за кражбата на артефакти во Музејот на Македонија уште трае.
„Лицата што требаше да дадат исказ и да се провери автентичноста и вистинитоста на нивниот исказ преку полиграф е веќе завршена. Има еден друг сегмент, сепак, треба многу постручна и подетална анализа, која уште трае и додека не бидеме сигурни дека сите аспекти на проблемот со кој се соочуваме се добро изанализирани и разработени би било добро движењето на тој простор да биде ограничено“, рече Јанкулоска.
Првично се сметаше дека во музејското депо недостигаат вкупно 60 вредни артефакт, а потоа бројката се искачи на 80-ина, за на крај да достигне 166 исчезнати артефакти.
Артефактите, како што првично беше соопштено, потекнуваат од античкиот и римскиот период и биле пронајдени при ископи на археолошките наоѓалишта Стоби и Исар Марвинци./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Ученик со лисици врзал соучесник во Велес и му вперил пластичен пиштол

Во СВР Велес, од Основното општинско училиште во Велес денеска во 10 часот било пријавено дека малолетен ученик во училиштето врзал со лисици негов соученик и му вперил пластичен пиштол.
Од малолетникот бил одземен пиштолот и бил предаден на полициски службеници.
За настанот бил известен јавен обвинител, Центарот за социјални работи Велес и по целосно документирање на настанот ќе биде поднесен соодветен поднесок, информираат попладнево од СВР Велес.
Црна хроника
МВР со детали за сообраќајната несреќа кај „Дајмонд“: 27-годишната скопјанка со повреди пренесена во болница

Вчера во 08.10 часот во СВР Скопје било пријавено дека на крстосница од булеварот Мито Хаџивасилев Јасмин и сервисна улица која води од булеварот кон катна гаража „23 Јули“ во Скопје, патничко возило „сеат алхамбра“ со скопски регистарски ознаки, управувано од Џ.И.(21) од село Никуштак, општина Липково, удрило во пешакот Т.С.(27) од Скопје.
Во незгодата со телесни повреди се здобила Т.С., констатирани во Градската општа болница „Св.Наум Охридски“.
Увид на местото на незгодата извршила екипа од СВР Скопје.
Црна хроника
Возило удри во велосипедист и побегна

Вчера околу 14.35 часот во СВР Тетово било пријавено дека на кружен тек од бул.„Маршал Тито“ во Тетово, патничко возило „фолксваген голф“, удрило во велосипед, управуван од А.А.(55) од Тетово, по што возачот со возилото го напуштил местото на настанот.
Во незгодата со телесни повреди се здобил велосипедистот, констатирани во Клиничка болница Тетово.
Извршен бил увид од увидна екипа од СВР Тетово.