Црна хроника
Помош за семејствата чии куќи изгореа во пожарот во Тенеќе маало

Неисправната електрична инсталација била причината за пожарот кој во сабота вечер избувна во Тенеќе маало во Топанско Поле, при што без покрив над главата останаа 120 луѓе.
Пожарот избувнал околу 2 часот по полноќ, а пламените јазици за кратко време опожариле 24 куќи.
Владата во вторник на седница ќе одлучи со која динамика ќе се реновираат опожарените куќи.
Во недела погодените семејства од пожарот ги посети министерот за труд и социјална политика Диме Спасов, кој најави привремено сместување на овие луѓе во одморалиштето во Љубанци.
Градоначалник Коце Трајановски најави помош во висина од околу 1,5 милиони денари.
Црвениот крст на Град Скопје доставил по 30 пакети храна и хигиенски производи за да се задоволат потребите на 100 лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Товарно возило со српски ознаки удрило во објект на Царинската управа: ги оштетил покривот и рампата

Вчера окoлу 15:30 часот во СВР Скопје е пријавено дека на граничен премин Долно Блаце, на излез од паркинг простор од царински терминал, товарно возило „волво“ со приколка со српски национални ознаки, управувано од Ј.Н.(44) од Р.Србија, удрило во објект на царинската управа и оштетило дел од кровот и рампата.
Полицијата информира дека е извршен увид од увидна екипа од СВР Скопје.
Црна хроника
Скопјанка истепана од сестра си

Скопјанка пријавила дека била нападната од нејзината сестра, соопшти полицијата.
Во СВР Скопје вчера во 14:30 часот, 63-годишна жена од Скопје пријавила дека на 17.10.2025 околу 19:30 часот во семејниот дом на подрачјето на Гази Баба била физички нападната од нејзината сестра С.В..
Полицијата соопшти дека се преземаат мерки за расчистување на случајот.
Црна хроника
Загина 69-годишен маж: со возилото излетал од патот во Гостиварско

Вчера во 09:20 часот во ОВР Гостивар е пријавено дека на регионалниот пат Гостивар-с.Србиново, на влез за с.Лакавица, патничко возило „даеву ланчија“ со гостиварски регистарски ознаки, управувано од Т.Ф.(69) од с.Беловиште, гостиварско, излетало од патот.
Од здобиените повреди на местото починал возачот Т.Ф., а смрт констатирал лекар од Итна медицинска помош.
Увид на местото извршила увидна екипа од ОВР Гостивар во содејство со јавен обвинител, по чија наредба телото на починатиот е дадено на обдукција.