Двајца ученици се ранети во петокот во пукање во средно училиште во предградие на Денвер во сојузната американска држава Колорадо, а напаѓачот е пронајден мртoв, изјави шерифот на округот Арапахо.

Напаѓачот, за кој се верува дека бил ученик кој во средното училиште во Арапахо во Сентениал во коешто во времето на инцидентот имало 2.200 ученици, е пронајден мртов од раните, коишто најверојатно самиот си ги нанел, изјавил шерифот.

Шерифот додал дека напаѓачот вооружен со сачмарка барал конкретен професор кој ја напуштил зградата, а еден од учениците се обидел да му се спротистави по што тој го застрелал. Сѐ уште не е јасно како другиот ученик е полесно ранет.

Споменатото училиште, како и сите други во округот Арапахо се затворени, меѓутоа шерифот Грејсон Робинскон изјавил дека опасноста минала.

Ова вест предизвика големо внимание во американската јавност, бидејќи се наоѓа на само 13 километри северно од училиштето Коломбина во Литлтон во Колорадо каде во април 1999 година двајца ученици убисја 12 свои соучениц и еден наставник а апотоа извршија самоубиство.

Исто така, предградието на Денвер – Сентениал се наоѓа на само неколку километри од предградието Аврора, каде минатата година 25-годишниот Џејмс Холмс употреби солзавец во кино салата при проекција на филмот „Темниот рицар. Враќање на легендата“, а потоа отвори оган при што беа убиени 12 луѓе, а повеќе десетици беа ранети.

Синоќешниот напад, сито така, се одигра само ден пред годишнината од трагедијата од декември минатата 2012 година во основното училиште во гратчето Њутаун во државата Конектикат, кога 20-годишниот Адам Ланза уби 20 деца на шест и седумгодишна возраст и шест возрасни лица. По овој инцидент во САД се разви широка за неопходноста за заострување на прописите за продажба и поседување огнено оружје./крај/мф/сн