Црна хроника
Половина тон кокаин од Венецуела запленет во Гватемала

Голема пратка од половина тон кокаин од Венецуела е запленеа во саботата во Гватемала, објавија тамошните власти.
Дрогата била откриена во мал авион кој слетал на аеродром на еден од приватниот воздухопловни клубови во Гватемала во Рио Дулче во покраината Изабал, околу 300 километри североисточно од главниот град Гватемала Сити. Авионот, за кој се претпоставува дека е регистриран во Коста Рика, допатувал во Гватемала од Венецуела.
Информациите дека со авионот се транспортира големо количество кокаин, гватемалските власти ги добиле до властите на Колумбија и на Венецуела по што следеле неколку области. Во заедничката операција на полицијата и армијата биле уапсени двајца Гватемалци кои допатувале со авионот.
Гватемала е една од клучните пунктови на маршрутата за криумчарење на дрогите од Јужна Америка во САД. Тамошните власти сметаат дека високото ниво на криминал во земјата е поврзано директно со шверцот на дрогите./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Битолчанец и Британец жртви во сообраќајка на патот Битола – Прилеп, повреден е Индиец

На магистралниот пат Битола – Прилеп, денеска во 11.55 часот се случи сообраќајна несреќа меѓу патничко возило „дачиа” со скопски регистарски ознаки, управувано од Е.И.(37) од Битола, и товарно возило „ивеко” со битолски регистарски ознаки, управувано од Б.К.(29) од селото Обршани, Општина Кривогаштани.
Од СВР-Битола соопштија дека во несреќата, на местото на настанот почина возачот на патничкото возило Е.И. и сопатникот К.С.(42) од Велика Британија, а смртта ја констатираше доктор од Итна медицинска помош Битола.
Сопатникот во патничкото возило М.К.Д.Ј. од Индија е пренесен во Клиничка болница Битола за укажување на помош.
Увид во присуство на јавен обвинител врши увидната екипа на СВР Битола.
Црна хроника
Се запали „рено меган“, пожарот зафати и седум други возила во Кисела Вода

Денеска (10.03.2025) во 01.05 часот во СВР Скопје било пријавено дека на подрачјето на Кисела Вода во Скопје настанал пожар во патничко возило „рено меган“ со скопски регистарски ознаки, сопственост на Д.Р.(23) од Скопје.
Во пожарот делумно биле зафатени и други седум патнички возила: „сузуки“ сопственост на Х.С., „опел“ сопственост на правен субјект , „шевролет“ сопственост на Т.А., „шевролет“ сопственост на А.Ш., „фиат“ сопственост на правен субјект, „шкода“ сопственост на Ј.Ј. и „хјундаи“ сопственост на П.Ш., сите со скопски регистарски ознаки.
Од екипа на Бригадата за противпожарна заштита Скопје пожарот бил изгаснат. Увид бил извршен.
Црна хроника
Не им дозволувал на сопругата и двете малолетни деца да излезат од дома

СВР Тетово поднесе кривична пријава против Ф.А.(38) од гостиварско село поради постоење основи за сторено кривично дело „противправно лишување од слобода“.
Имено на 23.01.2025, пријавениот не им дозволувал на неговата сопруга со нивните две малолетни деца да излезат од семејниот дом.