Црна хроника
Разбојници под закана со нож барале пари од жител на Драмче

Непознати лица во село Драмче, делчевско, во петокот околу 20 часот и 40 минути со удари по главата и телото го нападнале Т.Р. (44) кој бил во дворот на својата куќа, а потоа го врзале и со закана со нож од него барале да им даде пари, соопштуваат надлежните во Министерството за внатрешни работи.
Откако жртвата им кажала дека нема пари, разбојниците влегле во куќата, извршиле пребарување и притоа одзеле 1.100 евра, 2.000 денари, 10 лева и еден мобилен телефон.
По преземени мерки пронајдени и приведени се две лица А.Д.(32) и П.Т.(34), двајцата од Свети Николе, поради сомневање дека тие се можни сторители на кривичното дело.
По целосно документирање на случајот против истите ќе биде поднесен соодветен поднесок./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Швеѓанец за да избегне ќотек останал без маица на Широк Сокак

Во четвртокот околу 19:50 часот, во СВР Битола, С.Х.Д. (32) од Шведска, кој моментално престојува во Дебар, пријавил напад на улицата Широк Сокак во Битола.
Според пријавителот, на него му пристапиле неколку непознати лица на возраст околу 20 години, кои се обиделе да му ја соблечат маицата со исцртани симболи на друга држава.
Како што информира МВР, откако увидел дека не може да се одбрани, С.Х.Д. ја соблекол маицата и им ја предал на напаѓачите, кои потоа заминале во непознат правец.
„Се вршат проверки за настанот и се преземаат мерки за пронаоѓање на сторителите“, наведуваат од МВР.
Црна хроника
Истурил течност и запалил „лaнд ровер“, утрово гореше возило во Куманово

Рано утрово луксузен „ланд ровер“ беше опожарен на улицата Моша Пијаде во Куманово.
Настанот бил пријавен во СВР Куманово на 30 август 2025 година, околу 05:10 часот, од лицето Б.Ц. Пожарот бил забележан на возилото сопственост на А.Г., кое веднаш било гаснато со помош на сопственикот и негов сосед, спречувајќи поголема катастрофа.
По насоки на дежурен јавен обвинител, увид извршила увидна екипа на ОКТУПА при СВР Куманово. Констатирано е дека станува збор за подметнат пожар. Засега непознат сторител со непозната течност го испрскал возилото на повеќе места, ја запалил и потоа успеал да побегне без да биде забележан.
Од полицијата информираат дека е причинета материјална штета во износ од околу 120.000 денари, а истрагата е во тек.
Црна хроника
17-годишник и 15-годишник со сила ограбиле доставувач, му го украле ранецот со пратки

Полицијата во Скопје спречи грабеж извршен од двајца тинејџери, кои нападнале доставувач и му го украле ранецот со пратки.
На 29 август 2025 година, околу 18:20 часот, полициски службеници од СВР Скопје ги лишиле од слобода 17-годишен и 15-годишен малолетник, двајцата од скопско.
Според информациите, истиот ден околу 16:40 часот, малолетниците со употреба на физичка сила го нападнале 23-годишниот У.Д. од Скопје, кој во моментот извршувал работни задачи како доставувач на пратки. Тие му го одзеле ранецот со пратки, по што се обиделе да избегаат.
Брзата реакција на полицијата довела до нивно пронаоѓање и приведување во Визбегово. По целосното документирање на случајот, против нив ќе биде поднесен соодветен поднесок.