Црна хроника
Германската царина открила презервативи со дрога за Ватикан

Германските цариници заплениле пакет со одредиште на адреса во Ватикан, во кој се наоѓале 14 презервативи со кокаин, пишува во неделата весникот Bild am Sonntag.
Кутија со 340 килограми кокаин процент на износ од околу 40 илјади евра, била откриена уште во јануари годинава на меѓународниот аеродром во Лајпциг.
Дрогата, испратена од една јужноамериканска држава која не се споменува во информацијата, , била ставена во презервативи во течна форма и адресирана на главното седиште на Ватиканската пошта.
Властите го предале пакетот на ватикански полицаец, кој требало да следи и да го уапси лицето коешто ќе дојде да го подигне пакетот.
Меѓутоа, од јануари никој не се обидел да дојде до споменатиот пакет со дрога, пишува весникот и додава дека германската полиција смета дека непознатиот примател најверојатно бил предупреден. Истрагата сé уште е отворена, додале изворите.
Истрагата сé уште е отворена и ја води Канцеларијата на Интерпол во Ватикан, заедно со германската полиција. Германската царина, пак, не била достапна за коментирање на случајот, додава AFP. /крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Возел автомобил со фалсификувана регистрација

Кавадарчанец со фалсификат регистрација возел во Неготино, информираа денеска од Секторот за внатрешни работи – Велес.
-Вчера на булевар „Маршал Тито“ во Неготино, полициски службеници од ОВР – Неготино, при контрола на товарно возило „сканија“ со гевгелиски регистарски ознаки, управувано од А.Н., на возраст од 36 години од Кавадарци, констатирале кривично дело „фалсификување исправа“, казниво по член 378 став 3 од КЗ на Република Северна Македонија, односно дека на возилото биле ставени регистерски таблици од друго возило, појаснија од СВР – Велес.
Извршен бил увид од увидна екипа од ОВР – Неготино. Возилото било одземено и по целосно расчистување и документирање на настанот, како што потенцираа од СВР – Велес, ќе биде поднесена пријава.
Црна хроника
Швеѓанец за да избегне ќотек останал без маица на Широк Сокак

Во четвртокот околу 19:50 часот, во СВР Битола, С.Х.Д. (32) од Шведска, кој моментално престојува во Дебар, пријавил напад на улицата Широк Сокак во Битола.
Според пријавителот, на него му пристапиле неколку непознати лица на возраст околу 20 години, кои се обиделе да му ја соблечат маицата со исцртани симболи на друга држава.
Како што информира МВР, откако увидел дека не може да се одбрани, С.Х.Д. ја соблекол маицата и им ја предал на напаѓачите, кои потоа заминале во непознат правец.
„Се вршат проверки за настанот и се преземаат мерки за пронаоѓање на сторителите“, наведуваат од МВР.
Црна хроника
Истурил течност и запалил „лaнд ровер“, утрово гореше возило во Куманово

Рано утрово луксузен „ланд ровер“ беше опожарен на улицата Моша Пијаде во Куманово.
Настанот бил пријавен во СВР Куманово на 30 август 2025 година, околу 05:10 часот, од лицето Б.Ц. Пожарот бил забележан на возилото сопственост на А.Г., кое веднаш било гаснато со помош на сопственикот и негов сосед, спречувајќи поголема катастрофа.
По насоки на дежурен јавен обвинител, увид извршила увидна екипа на ОКТУПА при СВР Куманово. Констатирано е дека станува збор за подметнат пожар. Засега непознат сторител со непозната течност го испрскал возилото на повеќе места, ја запалил и потоа успеал да побегне без да биде забележан.
Од полицијата информираат дека е причинета материјална штета во износ од околу 120.000 денари, а истрагата е во тек.