Црна хроника
Дете падна во бунар длабок пет метри во Куманово

Осумгодишно дете во четврток паднало во бунар во Куманово, но за среќа поминало со полесни повреди. Детето 20 минути било заробено во дупката длабока пет метри.
Несреќата се случила вчера околу 20 часот во дворот на куќа во близина на Школската амбуланта во Куманово кога се скршиле даските со кои бил покриен бунарот на кои си играло детето. Осумгодишникот паднал во дупката, но за среќа успеал да се задржи на скршените даски и не се удавил. Соседите ја виделе несреќата и веднаш повикале противпожарна служба која интервенирала брзо.
Еден пожарникар врзан со сајла се спуштил во бунарот и го извлекол детето. Момчето било прегледано од екипата на Брза помош и било пренесено во болница каде што било вклучено на кислород без сериозни повреди.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Изгоре куќа во Драчево, нема повредени

Вчера во 21:30 часот во СВР Скопје е пријавено дека во населба Драчево во Скопје настанал пожар во куќа, сопственост на Г.Д.(69) и Д.П.(71), двајцата од Скопје.
Пожарот е изгаснат од екипа на Бригадата за противпожарна заштита Скопје, а повредени лица нема.
Извршен е увид.
Црна хроника
Прегазена жена во Ресен, пренесена е во болница со тешки повреди

Вчера во 10:40 часот во ОВР Ресен е пријавено дека на улицата „Илинденска“ во Ресен, патничко возило „форд“ со ресенски регистарски ознаки, управувано од Д.Ѓ.(68) од Ресен, удрило во пешакот, 74-годишната Ф.Ј. од Ресен.
Во несреќата со тешки телесни повреди се здобила Ф.Ј., констатирани во Клиничка болница Битола.
Извршен е увид од увидна екипа на ОВР Ресен.
Црна хроника
36-годишен маж од Гостивар измамен за сума од 7.200 денари

Вчера во 15:45 часот во СВР Скопје, 36-годишен маж од Гостивар пријави дека бил измамен за сума од 7.200 денари. Според пријавеното, контактирал со едно женско лице, во врска со оглас на социјална мрежа за издавање стан во Скопје.
Откако се договориле, капарот го оставил во угостителски објект на подрачјето на Бит Пазар, како што му било кажано, по што подоцна не можел да стапи во контакт со неа, при што сфатил дека е измамен. Се преземаат мерки за расчистување на случајот.