Црна хроника
Четири сообраќајки во еден ден, тројца тешко повредени
Четири сообраќајки се случиле во неделата низ Македонија, а три лица се тешко повредени.
Првата сообраќајка се случила во неделата во 10.30 часот на регионалниот пат Гевгелија–Негорци. Автомобил „опел–тигра“, управувано од дваесет и петгодишен гевгеличанец, во кое биле и тројца државјани на Палестина (економски мигранти), излетало од патот. На местото не е пронајден возачот, додека мигрантите биле пронајдени во Општата болница во Гевгелија, каде претходно биле пренесени за лекување. Мигрантите во текот на денот ќе бидат спроведени до Прифатен центар за странци–Скопје за понатамошна постапка. Се преземаат мерки за пронаоѓање на возачот.Втората сообраќајка се случила во 14.20 часот магистралниот пат Градско-Прилеп, во близина на крстосницата за село Фариш.Во сообраќајката се судриле три возила, „пежо“ со охридски регистерски ознаки, „фиат“ со битолски регистерски ознаки и „лада“ со прилепски ознаки. Во несреќата со тешки повреди се здобила триесет и тригодишна штипјанка, сопатничка во „пежото“ и била пренесена во Ургентниот центар. Со телесни повреди се здобиле возачот на „пежото“ и тројца сопатници од „фиатот“, од кои двајца малолетници.На истиот магистрален пат, еден час подоцна се случила друга сообраќајка, кога прилепски „пасат“ изгубил контрола и излетал од коловозот. Со тешки повреди се здобила триесетгодишна сопатничка од Прилеп, а со полесни повреди се здобиле уште еден сопатник и возачот.Тешко повреден е и пешак во Ресен во сообраќајка што се случила во 21 часот вечерта на улица Михајло Бочкаровски. Автомобил „сеат кордоба“ со којшто управувал дваесет и двегодишник од ресенското село Евла удрил во педесет и петгодишен ресенчанец. Пешакот со крварење во мозокот е задржан на лекување во Јавната здравствена установа во Ресен./крај/мф
Извор: Фото:архива
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Оштетил паркирано возило, врата и инвентар во кафеана, такси возило: кривична против маж од Делчево
Надворешната канцеларија за криминалистички работи Делчево поднесе кривична пријава против В.А.(36) од Делчево.
Тој се сомничи за сторено кривично дело „насилство“.
На 08.05.2024, пријавениот оштетил влезна врата и друг инвентар во угостителски објект, се обидел да оштети стакло од возачка врата на такси возило, во обложувалница оштетил врата од наплатниот пулт, по што оштетил возило паркирано пред Територијалната противпожарна единица и физички нападнал двајца вработени.
Црна хроника
Скопјанец предизвикал пожар и ги оштетил топловодот и конструкцијата на мостот „Беласица“
СВР Скопје – Единица за насилен криминал – Одделение за крвни и сексуални деликти, денеска, до Основно јавно обвинителство Скопје поднесе кривична пријава против И. Х. (37) од Скопје поради постоење основи на сомнение за сторено кривични дело тешки дела против општата сигурност по член 292, а во врска со кривично дело предизвикување општа опасност по член 288 од Кривичниот законик.
Имено, по преземените мерки, подигнати докази, извршени вештачења и разговори со повеќе лица било утврдено дека на 11.5.2023 под мостот „Беласица“ пријавениот предизвикал пожар на т.н. просторија за компензација на топловодот, кој се проширил на термичката изолација и на топловодните цевководи, кои се дел од топлификациска мрежа на „ЕСМ – Снабдување со топлина“, при што се предизвикани топлински оштетувања на наведениот топловод, како и видливи оштетувања на конструктивните елементи на мостот.
Инаку, пријавениот И. Х. од 12.9.2023 се наоѓа на издржување казна затвор во Казнено-поправната установа „Затвор Скопје“ за сторено кривично дело тешка кражба по член 236 од Кривичниот законик.
Црна хроника
Сообраќајна несреќа меѓу три возила во Скопје: повредени четири лица
Вчера во 15.20 часот во СВР Скопје било пријавено дека на крстосница од бул.„Босна и Херцеговина“ со ул.„Александар Урдаревски“ и ул.„Ќемал Сејфула“ се случила сообраќајна несреќа помеѓу патничко возило „опел мерива“, управувано од Ш.С.(38) од с.Брест, скопско, патничко возило „фиат 500“, управувано од М.Ц.(25) од с.Кучевиште, скопско и патничко возило „фолксваген туран“, управувано од З.З.(66) од Скопје, трите со скопски регистарски ознаки.
Во несреќата со тешки телесни повреди се здобил сопатникот од возилото „опел мерива“, Б.М.(31) од Скопје, а со телесни повреди се здобиле тројцата возачи, констатирани во Градската општа болница „Св.Наум Охридски“ и Градската општа болница „8 Септември“. Извршен бил увид од увидна екипа од СВР Скопје.