Министерството за внатрешни работи идентификуваше десет лица што учествувале на протестот што се одржа на 6-ти јули во Тетово против пресудата во случајот „Монструм“, а во кој беа повредени шест полициски службеници и тројца други граѓани.
 

Министерството за внатрешни работи идентификуваше десет лица што учествувале на протестот што се одржа на 6-ти јули во Тетово против пресудата во случајот „Монструм“, а во кој беа повредени шест полициски службеници и тројца други граѓани.

Против сите е поднесена кривична пријава под сомнение дека сториле кривични дела „учество во толпа што ќе спречи службено лице во вршење на службено дејствие“, а за двајца од нив, И.Н (38) и Ф.М (41) од Тетово, е поднесена пријава и за „напад на службено лице при вршење работи на безбедност“. 

„Пријавените И.Н. и Ф.М. физички нападнале двајца полициски службеници, при што на едниот од нив му нанеле и телесни повреда, додека сите десет не ги почитувале наредбите на полициските службеници, фрлале камења, влечеле заштитни огради и ги туркале полициските службеници“, соопшти МВР. 

Во средата сите десетмина биле повикани во СВР Тетово, а  И.Н. и Ф.М. се задржани и во текот на денот ќе бидат изведени пред судија во Основниот суд Тетово. 

Министерството за внатрешни работи продолжува со идентификување и на други учесници во протестот кои излегоа на улица за да изразат  незадоволство од пресудата во случајот „Монструм“ со која минатиот месец шест лица беа осудени на доживотна затворска казна за петкратното убиство што се случи во 2012 година на Смилковското езеро во Скопје./крај/мф/сд