Црна хроника
Малолетник со нож нападнат во Сити Мол, во Прилеп пресметка со шипки

Малолетник во скопскиот трговски центар Сити Мол е физички нападнат во петокот вечерта, при што му биле упатени закани со нож, а двајца браќа во Прилеп двајца браќа од непознати лица се нападнат со метални шипки при што е тешко оштетено нивното возило, се наведува во билтенот на Министерството за внатрешни работи.
Инцидентот во Трговскиот центар „Сити Мол“, се случил во петокот по 21,20 часот, кога 16-годишен малолетник, кој бил во друштво со неколку негови другари, исто така сите малолетни, без повод и причина бил физички нападнат од страна на негов врсник кој бил во друштво со повеќе лица на различна возраст. Насилникот со тупаници во пределот на главата го нападнал малолетникот, а потоа извадил и нож со кој му се заканувал.
Осомничениот е пронајден и приведен во Полициската станица Карпош, и извршен е разговор во присуство на родител и по целосно расчистување и документирање на случајот ќе биде поднесен соодветен поднесок.
Во петокот, исто така, пријавен е инцидент кој се случил околу 16 часот на улицата „Славеј Планина“ во Прилеп. Имено 49-годишниот Б.П. кој бил заедно со неговиот брат бил нападнат, откако го паркирал неговото возило пред неговиот дом и по кусо време се паркирало друго возило во кое биле две лица. Тие излегле од возилото, по што едно од лицата кое имало шипка во рацете почнал вербално да се заканува, по што ја искршил задната шофершајбна, а потоа и ретровизорот од возилото на оштетениот.
Сопругата на Б.П. се обидела да го спречи, но насилникот со шипката ја удрил во пределот на рамото. Двете лица потоа влегле во возилото и откако го ставиле во движење удриле во џипот по што го напуштиле местото на настанот. Се работи на целосно расчистување на случајот./крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
17-годишник со „бмв“ излетал од патот во Велешко: повредени тројца малолетници

На 16.07.2025 околу 21.40 часот во СВР Велес е пријавено дека на ул.„Раштански пат“ во правец од с.Бузалково кон с.Раштани, велешко, патничко возило „бмв“ со велешки регистарски ознаки, управувано од 16-годишник од с.Бузалково, излетало надвор од коловозот.
Во несреќата со тешки телесни повреди се здобил неговиот 17-годишен сопатник од с.Бузалково, а со телесни повреди се здобиле малолетниот возач и уште еден 16-годишен сопатник од с.Бузалково, констатирани во Општата болница Велес. Извршен бил увид од увидна екипа од СВР Велес.
Топ
Возел со 3,15 промили алкохол во крвта, во полусвесна состојба: уапсен пијан скопјанец на патот Охрид-Кичево

Денеска (18.07.2025) околу 14 часот на патот Охрид-Кичево полициски службеници од ОВР Кичево го лишија од слобода Б.К.(48) од Скопје, затоа што управувал патничко моторно возило “тојота” со скопски регистарски ознаки, под дејство на алкохол.
Имено, по претходно добиена пријава на телефонскиот број 112 дека едно возило се движи неконтролирано по патот, преземени се соодветни мерки од страна на полициските службеници и возилото е запрено, а со тоа спречена е евентуална сообраќајна незгода која би можела да има тешки последици.
Притоа, било утврдено дека возачот е во полусвесна состојба и веднаш со возило на Итна медицинска помош бил пренесен во Медицинскиот центар во Кичево.
Откако му била пружена лекарска помош и неговата здравствена состојба значително била подобрена, извршено е алкотестирање, при што било утврдено дека имал 3,15 промили алкохол во крвта, при што лицето било лишено од слобода.
По целосно документирање на случајот, против Б.К. ќе биде поднесена кривична пријава по член 297-а од Кривичниот законик “безобѕирно управување со моторно возило”, соопшти полицијата.
Црна хроника
Прегазен малолетник во Гостивар: го удрило „бмв“од Швајцарија

Ноќеска во 21.34 часот во Полициската станица Гостивар е пријавено дека на ул.„Браќа Ѓиноски“ во Гостивар, патничко возило „бмв“ со швајцарски национални ознаки, управувано од Џ.И.(33) од с.Форино, гостиварско, со престој во Швајцарија, удрило во малолетен пешак од Гостивар.
Во несреќата со тешки телесни повреди се здобил малолетникот, констатирани во Општата болница Гостивар.
Извршен бил увид од увидна екипа од ОВР Гостивар.