Црна хроника
Малолетник со секира повредил врсник при цепење дрва

Малолетник со секира повредил свој врсник додека цепеле дрва на улица „Моша Пијаде“ во Куманово, во складот за огревно дрво „Дабо Груп“.
Три момчиња, едниот на возраст од 22 години и двајца четиринаесетгодишници биле ангажирани да исцепат дрва. Додека работел едниот четиринаесетгодишник покрај него поминало другото момче на иста возраст кое се занело и ја ставило левата рака на трупецот на кој првиот цепел дрва. Притоа, со секира во пределот на малиот прст од левата рака го повредил неговиот врсник кој се занел и паднал. Повреденото момче било пренесено во Клинички центар Скопје на понатамошо лекување. Увид на местото на настанот извршила екипа од СВР Куманово. Јавен обвинител констатирал постоење на кривично дело „предизвикување општа опасност“./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Скопјанец заврши во болница откако бил повреден со виљушкар

Вработен во приватна фирма се здобил со тешки телесни повреди додека извршувал работни задачи со виљушкар на паркинг на подрачјето на скопската општина Центар, информира Министерството за внатрешни работи.
Несреќата се случила во саботата, околу 13:45 часот, кога според пријавата поднесена во СВР Скопје, 48-годишниот Г.В. од Скопје бил повреден за време на неговиот работен ангажман.
МВР информира дека повредениот веднаш бил префрлен во приватна болница во Скопје, каде му биле констатирани тешки телесни повреди.
Од полицијата велат дека се преземаат мерки за целосно расчистување на случајот, а ќе се утврдува и дали биле почитувани прописите за безбедност и заштита при работа.
Топ
Избоден 15-годишник на Бит Пазар, 13-годишниот напаѓач е негов роднина

15-годишно момче било повредено со остар предмет синоќа во регионот на Бит Пазар, а според пријавата, нападот го извршил негов 13-годишен роднина.
Како што соопшти МВР, ноќеска околу 01.00 часот во СВР Скопје, 46-годишниот Ч.Х. од Скопје пријавил дека на 28 јуни, околу 21.00 часот, неговиот син бил повреден на подрачјето на Бит Пазар.
„Се работи на расчистување на случајот, а се преземаат соодветни мерки за утврдување на сите околности“, информираа од Министерството за внатрешни работи.
Според пријавата, сторителот е 13-годишник со кого жртвата е во роднинска врска. Засега не се познати мотивите за нападот, а полицијата води истрага.
Топ
Девојка (27) пронајдена мртва во Дебарско Езеро, Обвинителството истражува

Телото на 27-годишната С.А. од Дебар вчера беше пронајдено во водите на Дебарското Езеро.
Како што информираше ОВР Дебар, околу два метри од брегот на езерото, во близина на пумпната станица било пријавено за пронајдено тело во водите на езерото.
На местото веднаш пристигнале полициски екипи и јавен обвинител, кој наредил да се изврши увид и дополнителна истрага. Присутниот лекар од Општата болница во Дебар ја констатирал смртта, при што не биле пронајдени видливи траги на насилство.
По наредба на јавниот обвинител, телото на починатата е предадено на обдукција за да се утврдат точните причини за смртта.
Од ОВР Дебар велат дека сите околности поврзани со случајот се предмет на натамошна истрага, а јавноста ќе биде информирана по добивањето на резултатите од обдукцијата.