Неколку тепачки во Скопје и во Куманово, во последните два дена завршиле со двајца прободени и неколкумина со телесни повреди, соопшти полицијата.

Имено, во понеделникот околу 16.50 часот во Старата скопска чаршија 23-годишниот Н.Д. и 25-годишниот С.С. од Србија биле физички нападнати од повеќе непознати лица при што едно од лицата со нож му нанел убодна рана на Н.Д. во пределот на градниот кош. Тој бил пренесен во Ургентниот центар Скопје каде му се констатирани тешки телесни повреди. Истиот ден, околу 19 часот на улица „Женевска“, 16-годишен малолетник бил физички нападнат од страна на едно непознато лице кое го удирало со тупаници во пределот на телото, а потоа извадил нож и го забодел во пределот на стомакот по што му ја скинал јакната. Околу 22 часот во населбата Карпош во Куманово, 34-годишниот В.Н. од Скопје додека седел во своето возило по кратко време дошол С.А.(22) со кого се познавале од порано и Б.М.(21) и двајцата од Куманово и започнал да му бара пари. Тој физички го нападнал по што му го одзел мобилниот телефон и избегал. Од страна на полициски службеници од СВР-Куманово осомничените се пронајдени и приведени, извршен е разговор со истите и по целосното расчистување на случајот ќе следи соодветен поднесок. Ноќта, околу 2.30 часот на улица „Димитрије Чупоски“ во Скопје, И.Ц.(23), Б.З.(24) и А.К.(24) биле физички нападнати од неколку непознати лица удирајќи ги со стаклени шишиња при што истите се здобиле со телесни повреди. Се работи на целосно расчистување на случаите./крај/мф/бб