Црна хроника
Рекордна заплена на 42,7 тони канабис на Медитеранот

Италијанската финансиска полиција заплени 42,7 тони канабис во една најголемите акции за заплена на дрога во Европа, близу брегот на Сицилија, во рамки на истрага на француската царина.
Дрогата, запленета во понеделникот, се наоѓала на бродот Абердин, долг 110 метри, кој пловел под знамето на Того. Членови на екипажот биле Либанци, Индијци и Сиријци, рече Венсан Совалер, водачот на операцијата.
Петнаесет членови на посадата предадени се на судските власти. Со толкава количина на дрога малку е веројатно дека не знаеле што се превезувало на бродот, вели Совалер.
Бродот требало да пристигне во некое од пристаништата во источниот Медитеран, како на пример во Либија, Грција или Албанија, а дрогата требало потоа да биде дистрибуирана ширум западна Европа.
Се претпоставува дека дрогата потекнува од Мароко./крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Скопјанец со автомобил удрил во бетонски ѕид и билборд, тешко повреден малолетник

Вчера околу 16.30 часот во СВР Скопје било пријавено дека на бул.„Македонско – косовска бригада“ во Скопје, патничко возило „бмв“ со скопски регистарски ознаки, управувано од А.К.(32) од Скопје, удрило во рекламно пано и бетонски ѕид.
Во несреќата со тешки телесни повреди се здобил малолетен сопатник во возилото, додека со телесни повреди се здобиле возачот, уште еден малолетен сопатник и сопатникот С.С.(25), сите од Скопје, констатирани во Комплекс клиники „Мајка Тереза“ во Скопје.
Извршен бил увид од увидна екипа од СВР Скопје, а по наредба на јавен обвинител возачот А.К. бил лишен од слобода и против него ќе биде поднесена пријава.
Црна хроника
Уапсен 24-годишник од Тетовско: возел со 162 км/час на место каде е дозволено 80 км/час

Вчера во 17.43 часот на автопат Тетово – Гостивар, полициски службеници од Полициската станица за безбедност на патниот сообраќај Тетово го лишиле од слобода 24-годишниот В.М. од село Пирок, тетовско.
При сообраќајна контрола и преземени мерки и активности, полициските службеници констатирале дека В.М. управувал патничко возило „фолксваген голф“ со тетовски регистерски ознаки со брзина од 162 километри на час на место каде што максималната дозволена брзина е 80 километри на час.
Лицето е пиведено во полициска станица и по целосно документирање на случајот против него ќе биде поднесена пријава по член 297 – а од Кривичниот законик – „безобѕирно управувањена моторно возило“.
Црна хроника
На тераса во Кочани украден паричник од 90-годишен маж

90-годишник од Кочани синоќа пријавил кражба што се случила околу 21:30 часот на терасата од неговата семејна куќа.
Според пријавата во ОВР Кочани, едно лице му го одзело паричникот во кој имало пари и лични документи.
Полицијата презема мерки за расчистување на случајот.