– (архивска фотографија)

Лица со возила кои превезувале имигранти од Сирија во обид да избегнат полициска контрола во неделата вечерта кај езерото „Младост“ се обиделе да прегази полицаец.

Лица со возила кои превезувале имигранти од Сирија во обид да избегнат полициска контрола во неделата вечерта кај езерото „Младост“ се обиделе да прегази полицаец.

Инцидентот се случил околу 21,20 часот во близина на езерото „Младост“ крај Велес, кога униформиран полициски службеник при обид да сопре автомобил „фиат брава“ со велешки регистарски ознаки, лицето кое го управувало возилото се обидело да го прегази полицаецот, но не успеало и на неколку метри го сопрело возилото по што се дало во бегство. Во возилото биле пронајдени тројца државјани на Сирија, со илегален престој во земјата.

Кусо по овој инцидент на истата релација наишол и автомобил „застава 101“, исто така, со велешки таблички, коешто исто така се обидело да го прегази полицаецот, кој го употребил службениот пиштол стрелајќи кон возилото коешто се оддалечувало.

По предупредувачкиот истрел, возачот го запрел возилото и е утврдено дека станува збор за 49-годишен жител на Штип идентификуван со иницијалите Р.Д. Тој е приведен во Полициската станица Велес, а во неговиот автомобил се пронајдени седум имигранти, исто така, од Сирија.

Против него ќе биде подигната кривична пријава, а странските државјани ќе бидат префрлени во Прифатниот центар за странци-Скопје./крај/мф/сн

Извор: Макфакс