Црна хроника
Уапсен дилер од Скопје
Полицијата во петок уапси скопјанец кој набавувал дрога, а потоа истата ја препродавал на негови сограѓани, соопшти Министерството за внатрешни работи.
Триесегодишниот М.Д. подолг период продавал марихуана од неговиот дом во Мичурин. Тој во текот на овој месец од засега непознато лице, за 8.000 денари набавил поголема количина на марихуана, која ја препакувал за улична продажба и по претходен телефонски договор со уживатели им ја продавал, најчесто од дома или на претходно договорено место.
Единицата за недозволена трговија со дрога изврши претрес во неговиот дом при што биле пронајдени и одземени 82,7 грама марихуана.
СВР Скопје поднесе кривична пријава против М.Д. поради основано сомневање дека сторил кривично дело „неовластено производство и пуштање во промет наркотични дроги, психотропни супстанци и прекурсори“, а судија му одреди мерка притвор во траење од 30 дена.
Инаку, М.Д. досега е двапати кривично пријавуван за „одземање на моторно возило“ и „тешка кражба“, за што од надлежен Суд му се изречени една мерка засилен надзор од родител и една условна казна затвор, информира МВР.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.