Во Скопје во изминатото деноноќие покрај напад со нож, билтенот на Министерството за внатрешни работи содржи и информации за опожарено теренско возило и смртен случај во железничка несреќа, додека во Битола е пријавено разбојништво во колонијална продавница.

Ноќта кон понеделникот, половина час по полноќ, пријавено е дека на улицата „Козара“ бр.22, во скопската населба Капиштец,. од непознати причини било опожарен е џип од моделот „Опел Антара“ со скопски регистерски ознаки, сопственост на В.С.

Претходно во неделата наутро на излезот од железничката станица Маџари кон селото Трубарево, воз удрил 79-годишен жител скопско Трубарево, кој снапасувал кози покрај пругата. Лицето идентификувано со инициајлите К.Ж. починало на самото место. Увид на лице место извршила екипа на СВР–Скопје, а по наредба на Јавен обвинител, телото е предадено за обдукција.

Во неделата навечер, околу 21,40 часот во Битола на улицата „Васко Карангелевски“, во маркетот „Сезам“, две маскирани лица извршиле разбојништво над вработената насилно одземајќи ѝ 18.800 денари од дневниот промет и штека цигари марка „57“, а потоа избегале. Се преземаат мерки за пронаоѓање на напаѓачите./крај/мф/сн

Извор: Макфакс