Црна хроника
Во Србија уапсено лице осомничено за терористички напади во Македонија

Српската полиција уапсила лице кое се сомничи за организирање на терористички напади на полициски станици и граѓани во Куманово во периодот од јануари до мај оваа година, објавија српските медиуми, повикувајќи се прес – конференција на министерот за внатрешни работи на Србија, Небојша Стефановиќ.
Според него, лицето Б.Б. од Куманово било уапсено на административниот премин Брњак, врз основа на потерница од Интерпол и се сомничи за учество во терористички напади во Македонија од јануари до мај. Засега не се соопштува за кои точно напади е осомничен кумановецот и нема никаква потврда од македонското МВР.Српскиот министер соопшти дека во четири одделни полициски акции уапсени се два најголеми нарко-босови на Балканот и пресечен е најголемиот синџир за криумчарење со оружје на територијата на Србија и Франција. Исто така тој соопшти и за уапсениот осомничен за терористички напади./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
На велосипедска патека во Скопје се судрија велосипед и електричен мотор, едниот од возачите побегна

Вчера на велосипедска патека на булеварот Јане Санданскин се случила сообраќајна несреќа помеѓу велосипед и електричен мотор, управуван од К.Л.(71) од Скопје, по што лицето со велосипедот го напуштило местото на настанот, соопшти МВР во дневниот полициски билтен.
Во несреќата со тешки телесни повреди се здобил К.Л., констатирани во Комплексот клиники „Мајка Тереза“.
Извршен бил увид од увидна екипа од СВР Скопје и се работи на расчистување на случајот.
Црна хроника
Битолчанка со измама дошла до лични податоци на маж, па си подигнала брз кредит

Полицијата поднесе кривична пријава против С.Ч.(48) од Битола поради постоење основи на сомнение за сторено кривично дело „помагање“ во врска со кривично дело „измама“.
Во текот на мај 2024, пријавената преку социјална мрежа, под друго име, стапила во контакт со лице од тетовско и со лажно прикажување на факти побарала услуга од него и на тој начин ги добила неговата лична карта и трансакциска сметка. Потоа, со уште едно лице, злоупотребувајќи ги личните податоци на оштетениот, подигнале брз кредит од финансиско друштво.
Откако на домашна адреса добил писмо од финансиското друштво дека има неплатен долг, оштетениот сфатил дека е измамен.
Црна хроника
Кавадарчанец возел со 2,52 промила алкохол и излетал од патот

Полицијата вчера го приведе Г.Т.(44) од Кавадарци.
„Тој, управувајќи возило „голф“ со кавадаречки регистарски ознаки, на регионалниот пат Кавадарци – Дреново, кај место викано Рамниште, изгубил контрола и излетал од патот. Г.Т. бил задржан во полициска станица, а од извршените проверки било констатирано дека го управувал возилото со 2,52 промили алкохол во крвта“, велат од МВР.
Известен бил јавен обвинител и по документирање на настанот против него ќе биде поднесена пријава за безобѕирно управување со моторно возило.