Daily news
Алаѓозовски: Ќе се расчиси со поделбите во културата
![](https://makfax.com.mk/wp-content/uploads/2017/12/26107814_1207698859361911_1482239156_o-e1514384127102.jpg)
Претставници на културни институции, индивидуални уметници, граѓански асоцијации за култура, денеска во Музејот на современата уметност го слушаа излагањето на министерот за култура, Роберт Алаѓозовски, и другите партиципиенти во тримесечното креирање на петгодишната стратегија за култура и нацрт-акцискиот план за 2018 година. По скенирање на состојбите во културата низ целата земја, стратешката културна политика за идната година, според приоритетите ќе оди во насока да се подобрат инфраструктурните услови за креативно дејствување низ градовите во земјата, културата да се доближи до сите иницијатори и консументи, и да се заврши со мегаломанското и непродуктивно трошење.
Првичните проценки се дека состојбата во културата е очајна.
„Нема да кажам ништо ново и не би сакал да звучи како оправдување доколку констатирам дека речиси сите параметри и податоци до кои дојдовме укажуваат дека состојбата во сферата на културата во секој поглед е очајна и дека ќе ни требаат натчовечки напори за да тргнеме по патот на закрепнувањето и напредокот. Ќе ни требаат натчовечки напори за да тргнеме по патот на закрепнување и напредок“, рече Алаѓозовски.
Во минативе месеци, истакна Алаѓозовски, се обиделе да одговорат на многу прашања што ја нарушија културната слика во државата и создадоа поделби наместо обединување, што е основна цел на уметноста.
„Како да ја заживееме и модернизираме институционалната култура? Како да ѝ дадеме поддршка на независната сцена која беше со години запоставувана и маргинализирана? Како да ги унапредуваме вештините на нашите културни работници за да бидеме компетитивни на меѓународната културна сцена, како да дојдеме до поголемо искористување на меѓународната поддршка? Како нашата култура, нашето богатство од разноликости да стане конечно наш светски препознатлив извозен продукт, а не повнатрешнето средство за создавање поделби?“, истакна Алаѓозовски.
Презентацијата се однесуваше и за текот на јавните расправи, предлозите на засегнатите страни и процесот за експертска анализа и усогласување на нацрт-текстот на стратегијата
Проектот за создавање нацрт-програмата и стратегијата за култура е поддржан и од Фондацијата „Отворено општество“, за што се обрати Славица Инџевска, програмски директор во фондацијата, потоа Јетон Красниќи, заменик-директор на Проектот за граѓанско учество на УСАИД, Јасмина Мазгалиева, претседател на КУЛТ Транзен, Јане Чаловски, претседател на ЈАДРО – презентација за текот на јавните расправи, предлозите на засегнатите страни и процесот за експертска анализа и усогласување на нацрт-текстот на стратегијата
Посебниот советник во Министерството за култура, Златко Теодосиевски, говореше за клучните аспекти на стратегијата и акцискиот план, предлози на засегнатите страни што беа усвоени низ процесот.
За пишување на конечната верзија на нацрт-програмата за култура беа одржани дестина дебати, а беа посетени речиси сите градови низ Македонија и сослушани предлозите на локалните културни менаџери и културни работници.
Сите се согласни дека деметрополизацијата и дисперзирање на културата на локално ниво и нејзина институционална поддршка е најзначајниот исчекор во создавање рамноправен однос и оправдана „култура за сите“, што беше основно мото на новата иницијатива на Министерството за култура. (А.В)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
![](https://makfax.com.mk/wp-content/uploads/2024/05/thumbnail_The_Business_of_Pleasure_2.jpg)
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
![](https://makfax.com.mk/wp-content/uploads/2018/03/1-1-3.jpg)
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
![](https://makfax.com.mk/wp-content/uploads/2018/08/gruevski-sud.jpg)
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.