Daily news
ВМРО-ДПМНЕ: Министрите на СДС отидоа на одмор оставајќи ја државата во пламен
![](https://makfax.com.mk/wp-content/uploads/2017/08/vmro.jpg)
„Цела Македонија гори, а владата на СДС никаде ја нема. Министрите на СДС отидоа на одмор и ја оставија целата држава во пламен и наместо да бидат на терен, тие чекаат дождот да им ги изгаси пожарите“, изјави Марио Цветковски, член на ИК на ВМРО-ДПМНЕ.
Во согласност со информациите што доаѓаат, додава Цветковски, моментно во Македонија се активни 15 пожари, а досега гори над 2,5 илјади хектари шума или опожарена е дрвна маса од приближно 12 илјади кубици.
„Изминатиот период беа регистрирани над 160 шумски пожари, а на министерот за земјоделство шумарство и водостопанство око не му трепнува да излезе на увид, да преземе конкретни мерки и да ја спречи катаклизмата што им се заканува на животите, здравјето и на имотот на граѓаните.
Според информациите на медиумите, додека гори во Чашка, на Караџица, кај Маркова Река, во Тетовско, во Кичевско, во Прилепско и во Мариово, во Тиквешијата и во Македонски Брод, министерот Николовски си тера годишен одмор во странство.
Министерот Николовски и целата влада на СДС покажаа крајна несериозност, неодговорност и некомпетентност. Тие немаат капацитет да се справат со настанатата ситуација на терен. Дозволија состојбата со пожарите да ескалира до алармантно ниво.
Дозволуваа и по десетина дена да беснеат пожари, неконтролирано да се шират и да ги загрозуваат животите, куќите и имотот на граѓаните, па дури потоа да преземат недоволни активности на терен. Освен нивната негрижа за граѓаните од зафатените подрачја, дојде до израз и некадарноста да се справат со подметнувачите на пожарите.
Според информациите, повеќето од пожарите биле подметнати, а надлежните институции и по десетина дена не открија сторител и не посочија ефективни мерки кои ќе превенираат ново подметнување пожари.
Целата одговорност за состојбите со пожарите оди на душа на владеењето на СДС и нивното незнаење да се справуваат со оваа појава. Оттука е разбирливо зошто најповиканиот ресорен министер за шумарство, најверојатно, избрал подалечна дестинација за одмор со цел да не мора да ги слуша повиците на граѓаните што се директно загрозени од огнените стихии.
Незнаењето и немањето капацитет не е оправдување за негрижата и неодговорноста на оваа влада на СДС.
Тие со своето несовесно работење и непреземање конкретни мерки многу бргу ќе ја понесат политичката одговорност, уште на следните локални избори“, изјави Марио Цветковски, член на ИК на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
![](https://makfax.com.mk/wp-content/uploads/2024/05/thumbnail_The_Business_of_Pleasure_2.jpg)
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
![](https://makfax.com.mk/wp-content/uploads/2018/03/1-1-3.jpg)
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
![](https://makfax.com.mk/wp-content/uploads/2018/08/gruevski-sud.jpg)
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.