Во Италија уапсени 68 лица кои краделе пари наменети за бегалците

Италијанската полиција уапсила 68 лица, вклучувајќи и еден свештеник и управител на католичко хуманитарно друштво по име „Мерси“, обвинети дека соработувале со голема мафијашка банда која украла милиони евра државни средства, наменети за мигрантските прифатни центри, пренесува РСЕ.

Генерал карабињерот Џузепе Говернале рекол дека „мигранските прифатни центри и организацијата „Мерси“ биле банкомати на мафијата“. Истражителите, пак, изјавиле дека бандата на калабриската мафија добила задача да управува со мигрантскиот центар Исола ди Капо Рицуто во Кротоне, благодарејќи на врските со организацијата „Мерси“ и нејзиниот лидер, Леонардо Сако.

Според наодите од истрагата, организацијата „Мерси“ ангажирала компанија предводена од оваа банда и успеала да дојде до 36 милиони евра државни средства, во периодот од 2006 до 2015 година. „Средствата кои ги добиле биле употребувани за купување на згради, луксузни автомобили и јахти“, рекол обвинителот Никола Гратери./крај/мф/бс