Контакт

Daily news

Дебата за СЈО го подели и “разболе“ Врховниот суд

Објавено пред

 

Нема датум кога ќе се оддржи продолжението на Општата седница на која треба да се одлучува дали „опозициските бомби“ можат да се користат во доказна постапка

Нема точен датум кога ќе биде закажано продолжението на Општата седница на Врховниот суд на која треба да се расправа околу барањето за заштита на законитоста (БЗЗ) поднесено од државниот јавен обвинител Марко Зврлевски околу притворот на Сеад Кочан,како и за тоа дали „опозициските бомби“ можат да се користат во доказна постапка.

Продолжението, во понеделникот беше одложено на неодредено време, поради болест на неколку судии. Но,како што дознава Макфакс од судски извори,многу е извесно дека седница нема да се оддржи до крајот на неделава, бидејќи тројца судии се уште се на боледување, а двајца се изземени заради поврзаност со Специјалното јавно обвинителство.

Според наши информации, врховните судии Ристо Катавеноски, Марика Матевска и Снежана Бајлозова се водат на боледување, додека судиите Лидија Неделкова и Исамедин Лимани нема да учествуваат во расправата, заради тоа што поранешната судијка е веќе изземена од Кривичниот совет кој треба да одлучува по предмет на СЈО, а нејзиниот колега самиот се повлекол, затоа што има ќерка вработена во оваа институција.

Со оглед на тоа што од целиот судиски состав брои 20,од кои 5 судии се отсутни,(а за кворум за одлучување е потребно присуство на 14 судии), проценката на претседателот на Врховниот суд,Ј ован Вангеловски била дека е несериозно да се одлучува на “граница на кворум“.

Оттаму,тој сметал дека терминот за одржување на седницата зависел од тоа кога ќе се создадат услови. Во судските кругови, ваквиот став се толкува и како тактизирање, поради суптилноста на темата, но и заради самиот исход во гласањето.

Расправата по овие две точки предзвика жестока дебата на седницата што започна пред Велигденските празници, токму заради спротиставени мислења на судиите. Дел од судиите сметаат дека право да поднесува БЗЗ има само специјалната обвинителка Катица Јанева заради автономниот статус одреден во Законот за СЈО, додека другите се повикуваат на Законот за кривична постапка, во кој единствено право да го поднесува овој вонреден правен лек има само државниот јавен обвинител.

Дебата околу овие две суштински правни прашања, од кои во голема мерка ќе зависи и натамошното функционирање, но и ефектите на СЈО, се отвори и на социјалните мрежи.

Така,пензионираната врховна судијка Милка Ристова на својот фејсбук профил се произнесе околу двете спорни прашања. Според Ристова, самиот наслов на Законот за СЈО ја одредува основата-темелникот за неговото постоење, истражување и гонење на сторители на кривични дела кои произлегуваат од незаконското прислушување на граѓаните-(член 5 став 1).

Во истата одредба, како што наведува Ристова, во ставот 3 е пропишано дека овластен да застапува со овие дела пред основните, апелационите и Врховниот суд на РМ е СЈО,кое има целосна автонимија во однос на државнито јавен обвинител.

Оттаму,врховната судијка резонира дека СЈО има право во рамките на својата надлежност да поднесува редовни и вонредни правни средства пред надлежните судови.

Што се однесува до тоа дали прислушуваните разговори можат да се користат како докази во кривичните постапки поведени и водени од СЈО,Ристова со одговор: ако судот го користи само националното право-не.

„Но,иако судовите во своите одлуки се уште не реферираат на примената на праксата на Европскиот суд за човекои права и Меѓународниот казнен суд,ние во нашиот Закон за судовите пропишавме обврска, во кои случаи е обврзувачка праксата на овие судови“, вели Ристова и додава:“оттука,според праксата на овие судови,докази прибавени со незаконско следење на комуникациите се од важност,само во функција на јавниот интерес,односно злоупотреба на јавните добра.

Адвокатката Анита Бегова, пак, е со спротивен став и токму на социјалните мрежи се произнесе дека како “правник е згрозена со тоа што СЈО смета дека може само тие можат да бидат подносители на вонреден правен лек“.

Обидувајќи се да го симплифицира овој став на разбирлив јазик, таа на ФБ напиша дека тоа значи ако некогаш се судрите со законот или неправдата од било која причина ,или ве “фати на заб“ некој обвинител,треба да имате право да поднесете барање за заштита на законитоста, за да може републичкиот јавен обвинител да испита дали е повредена законитоста.

Таа оценува дека ова законодавецот, не случајно го предвидел ,делегирајќи ги овластувањата на учесниците во прогонот еквивалентно на судската инстанца, а со тоа овозможувајќи гаранции во непристрасноста и објективноста на обвинителот.

Бегова се сомнева дека вака како што е уреден Законот за СЈО е во стилот на народната “кадија те суди, кадија те тужи“, бидејќи неможе обвинител што предлагал притвор пред судија на претходна постапка, кој пишувал жалби или одговор до Кривичниот совет, или од апелационен суд, да остане непристрасен и да поднесе БЗЗ за сопствен предмет..крај/мф/гд



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Македонија7 часа

Агенцијата за национална безбедност го демантира Чулев: Не располагаме со опрема за следење на комуникации

Агенцијата за национална безбедност не располага ниту со опрема за следење на комуникации, ниту со медијациски уреди за активирање на...

Регион8 часа

Црна Гора на чекор до прогласување крај на епидемијата

Во Црна Гора ниту денеска нема нов случај на коронавирус, а црногорските медиуми пишуваат дека ако овој тренд продолжи уште...

Топ10 часа

АД „Водостопанство“ и еден раководител ќе одговараат за смртта на 15-годишното момче што се удави во Пчиња

Полицијата поднесе кривична пријава против АД „Водостопанство“ на Македонија и раководител на сектор за речен слив и речни корита поради...

Македонија10 часа

Филипче: ВМРО-ДПМНЕ прави сериозна манипулација со бројките за смртност од коронавирус

ВМРО-ДПМНЕ прави сериозна манипулација со бројките за смртност од коронавирусот и тоа е навистина загрижувачки. Не разбирам како може да...

Македонија10 часа

Пријава за фирма од Скопје – продавала производ за кој лажела дека нема глутен

Полицијата поднесе пријава против фирма во Скопје и нејзиниот сопственик поради измама на купувачи – односно продажба на производ на...

Македонија12 часа

Хрватските граници нема да бидат отворени за туристи од Македонија

Хрватскиот премиер, Андреј Пленковиќ, најави денеска отворање на границите за туристи од 10 земји, меѓу кои не е Македонија. „Успеавме...

Македонија13 часа

При влез во ресторан ќе се покажува лична карта, а следните 10 дена се период за едукација на угостителите

Инспекторатите нема да ги казнуваат гостите во угостителските објекти, туку фирмите доколку не се почитуваат протоколите за работа, најави директорот...

Македонија13 часа

Потврдени 38 нови случаи на Ковид-19, од кои над 20 се од Скопје, починаа уште 3 лица

Денеска, потврдени се 38 нови случаи на Ковид-19, со што вкупната бројка на дијагностицирани е 2.077 лица, oздравени се 16...

Македонија13 часа

Чулев: На литијата во Струга имаше затајување на функцијата на полицијата, истрагата е во тек

Техничкиот министер за внатрешни работи, Наќе Чулев, вели дека ѝ натаму се работи на идентификација на лицата што учествувале на...

Македонија14 часа

Регистриран првиот случај на починат здравствен работник од Ковид-19

Во земјата е регистрирана првата смрт на здравстветен работник како последица од коронавирусот. Станува забор за дипломираниот фармацевт Петар Мојсоски,...

Македонија15 часа

Игротеките бараат финансиска поддршка и датум за почеток со работа

Групацијата на забавни и рекреативни дејности во рамките на Услужната комора при Сојузот на стопанските комори на Македонија достави четири...

Македонија15 часа

Независниот синдикат на полицијата: Наградата за полицајците да се исплати во платата во јуни

Независниот синдикат на полицијата побара техничкиот премиер и министерот за внатрешни работи итно да се договорат за наградата за полицајците...

Македонија17 часа

Кафулињата и рестораните почнуваат со работа, сѐ уште е забрането организирање свадби и родендени

Со одлука на Владата, од денеска почнуваат со работа кафетериите и угостителските објекти со посетители во отворените делови на овие...

Македонија17 часа

Филипче: Само заеднички може да ја надминеме оваа состојба од која ќе излеземе посилни и помудри

Министерот за здравство, Венко Филипче, изјави дека почнува да се враќа животот во нормала и почнуваат да се отвораат бизнисите,...

Економија17 часа

Парична помош за оние што останале без работа во периодот од 11 март до 30 април

Работниците што поради корона-кризата останале без работа, независно од времето поминато во работен однос, ќе може бргу да дојдат до...

Регион17 часа

Кипар ќе им ги плати трошоците за одмор на сите туристи што ќе заболат од Ковид-19

Кипарските власти порачаа дека ќе ги покријат трошоците за одмор во земјата за секој што ќе биде позитивен на коронавирусот...

Македонија1 ден

Продолжува да важи платеното породилно отсуство до завршувањето на времените мерки

Владата донесе Уредба за примена на Законот за работните односи за време на вонредна состојба, во која е предвидено отсуството...

Европа1 ден

Меркел: Уште сме на почетокот со пандемијата

Германската канцеларка Ангела Меркел ги оцени како позитивни досегашните постигнувања во борбата против коронавирусот, но како што рече, општеството е сè...

Европа1 ден

Европската комисија предлага 1.850 милијарди евра за заздравување на економиите

Европската комисија предложи инструмент за заздравување на економиите од корона-кризата, вреден 750 милијарди евра, и повеќегодишна финансиска рамка (ВФО) од...

Регион1 ден

Во Хрватска трет ден нема нови случаи, се укинува забраната за свадби

Трет ден по ред во Хрватска не е потврден ниту еден нов случај на коронавирус. Со ова вкупниот број на...

Досие