Експерти од MIT: Нападот во Сирија личи на местенка

Експертот за наоружување од престижниот американски универзитет MIT, Теодор Постол изјавил дека смета оти нападот со хемиско оружје во Кан Шејкун во Сирија е изрежиран, пренесуваат светските агенции.

Како што се наведува, Постол ја прегледал документација на американските власти за нападот и смета дека од неа не може да се заклучи кој го извршил нападот.

„Официјалните извештаи за нападот не даваат конкретни докази дека Башар ал Асад е одговорен за нападот и податоците покажуваат дека е поверојатно нападот да бил извршен од земја“, се наведува во извештајот на професорот.

Како што рекол тој, внимателно го проучил извештајот кој го објавила Белата куќа за нападите од 4-ти април во кој настрадале над десетина цивили, меѓу кои биле и деца, и мсета дека доказите укажуваат на напад од земја, а не воздушен напад.

Според верзијата на американските претставници и нивните сојузници, режимот на Асад го извел нападот од воздух со забрането хемиско наоружување, додека Сирија и Русија ги отфрлаат обвинувањата и истовремено ја обвинуваат западната коалиција дека го исценирала нападот./крај/мф/бс